وسكەمەن قالاسىندا ەكى ەر ادام جاسوسپىرىمگە كومەككە كەلگەن پاترۋلدىك پوليتسەيگە شابۋىل جاساعان. بۇل تۋرالى شىعىس قازاقستان وبلىسى پوليتسيا دەپارتامەنتىنىڭ ءباسپاسوز قىزمەتى حابارلادى, دەپ جازادى Egemen.kz.
وقيعا 22 ناۋرىز كۇنى ساعادات نۇرماعامبەتوۆ كوشەسى بويىندا بولعان. پوليتسيا قىزمەتكەرىنە ءبىر ءجاسوسپىرىم جۇگىنىپ, بەلگىسىز ەكى ادامنىڭ اگرەسسيۆتى ارەكەتى تۋرالى ايتقان. وقيعا ورنىنا كەلگەن ءتارتىپ ساقشىسىنىڭ تالاپتارىنا باعىنباعان ماس كۇيدەگى جىگىتتەر وعان شابۋىل جاساعان.
بەيرەسمي مالىمەتتەرگە سايكەس, كۇدىكتىلەر پوليتسەيدىڭ قىزمەتتىك قارۋىن تارتىپ الىپ, وعان وق جاراقاتىن سالعان. زارداپ شەككەن قىزمەتكەر اۋرۋحاناعا جەتكىزىلدى.
وقيعادان كەيىن كۇدىكتىلەر قاشىپ كەتكەنىمەن, كوپ ۇزاماي ەكەۋى دە انىقتالىپ, ۇستالدى. قارۋ تاركىلەندى. قازىرگى تاڭدا ولار ۋاقىتشا ۇستاۋ يزولياتورىنا قامالدى.
استانادا پوليتسەي تەلەفونعا جاۋاپ بەرمەگەنى ءۇشىن باستىعىن سوققىعا جىقتى
اتالعان دەرەك بويىنشا پوليتسيا قىزمەتكەرىنە قىزمەتتىك مىندەتىن اتقارۋ كەزىندە توپ بولىپ ومىرىنە قاۋىپتى كۇش قولدانۋ فاكتىسىمەن سوتقا دەيىنگى تەرگەۋ جۇرگىزىلىپ جاتىر.
دروندار الماتى پوليتسياسىنا قالاي كومەكتەسەدى؟