ناۋرىزنامانىڭ سوڭعى كۇنى – تازارۋ كۇنى قارۋلى كۇشتەردىڭ اسكەري قىزمەتشىلەرى اعاش وتىرعىزۋ, اۋماقتى تازالاۋ مەن اباتتاندىرۋ اكتسيالارىن وتكىزدى, دەپ حابارلايدى Egemen.kz.
شىمكەنت گارنيزونىنداعى 10216 اسكەري ءبولىمنىڭ جەكە قۇرامى ەكولوگيالىق اكتسيا ۇيىمداستىردى. «تازارۋ كۇنى – ناۋرىزنامانىڭ سوڭعى كەزەڭى عانا ەمەس, تازا ويمەن جانە الەمدى جاقسارتۋعا دەگەن نيەتپەن جاڭا جىلدى باستاۋ», دەپ اتاپ ءوتتى ءبولىم كومانديرى پودپولكوۆنيك داۋلەتبەك قوعاباەۆ.
سابىر راحىموۆ اتىنداعى اسكەري كوللەدجدەدە اسكەري قىزمەتشىلەردىڭ, وقىتۋشىلار جانە تاربيەلەنۋشىلەردىڭ قاتىسۋىمەن ەكولوگيالىق اكتسيا ءوتىپ, وقۋ ورنىنىڭ جەكە قۇرامى اۋماقتى رەتكە كەلتىرىپ, وقۋعا جانە دەمالۋعا ىڭعايلى ءارى قولايلى ورتا جاساۋعا اتسالىستى.
بۇل كۇنى باۋىرجان مومىش ۇلى اتىنداعى مەحانيكالاندىرىلعان بريگادا شابۋىلداۋ باتالونىنىڭ كەلىسىمشارت بويىنشا اسكەري قىزمەتشىلەرى مەن ساربازدارى, اسكەري ءبولىم اۋماعىندا اعاش كوشەتتەرىن وتىرعىزىپ, يگى ىسكە جۇمىلدى. بۇل ءىس-شارا اسكەري ۇجىمداعى بىرلىك رۋحىن نىعايتۋعا سەپتىگىن تيگىزدى.
تازارۋ كۇنى: پرەزيدەنت ازاماتتاردى تازالىق پەن ءتارتىپ ەستافەتاسىنا بەلسەنە قاتىسۋعا شاقىردى
ەكولوگيالىق باستامانى جەتىسۋ گارنيزونى دا بەلسەندى قولداپ, 18386 اسكەري ءبولىم قىزمەتشىلەرى ۇلتتىق كيىممەن كوشەت وتىرعىزىپ, ءداستۇر مەن تابيعاتتى قورعاۋ اراسىنداعى ۇيلەسىمدىلىكتى كورسەتتى.