اباي وبلىسىنداعى ورلوۆ شاحتاسىندا ەكى جۇمىسشى زياندى گازدان ۋلانعان. ولاردىڭ ءبىرى اۋرۋحاناعا بارا جاتقان جولدا كوز جۇمدى, ەكىنشىسىنە مەديتسينالىق كومەك كورسەتىلدى, دەپ حابارلايدى Egemen.kz.
كەنىشكە يەلىك ەتەتىن كومپانيانىڭ مالىمەتىنشە, 19 ناۋرىزدا تاڭەرتەڭ ورلوۆ شاحتاسىنىڭ ديسپەتچەرىنە اقپارات ءتۇستى.
گازدان ۋلانۋ بەلگىلەرى بار ەكى جۇمىسشى انىقتالعان. زارداپ شەككەندەردىڭ ءبىرى اۋرۋحاناعا بارا جاتقان جولدا قايتىس بولدى. ەكىنشى جۇمىسشىعا مەديتسينالىق كومەك كورسەتىلدى, جاعدايى تۇراقتى.
«KAZ Minerals توبى اباي وبلىسىنداعى ورلوۆ شاحتاسىندا جازاتايىم وقيعا بولعانىن تەرەڭ وكىنىشپەن حابارلايدى. وقيعانىڭ ءمان-جايى مەن سەبەپتەرى انىقتالىپ جاتىر. KAZ Minerals توبىنىڭ باسقارما توراعاسى اندرەي ترەتياكوۆ جازاتايىم وقيعانى تەرگەۋگە جەكە قاتىسۋ ءۇشىن ورلوۆ شاحتاسىنا باردى», دەپ حابارلادى كومپانيانىڭ ءباسپاسوز قىزمەتى.
سولتۇستىك قازاقستاندا جۇمىسشى توق سوعىپ قازا تاپتى
كومپانيا قازا تاپقان جۇمىسشىنىڭ وتباسىنا جان-جاقتى كومەك كورسەتەتىنىن حابارلادى.