الماتى مەن تۇركىستان قالالارىندا ىشكى ىستەر مينيسترلىگى ۇلتتىق ۇلانىنىڭ اسكەري بولىمدەرى جاڭا اۆتوپاترۋلدەرمەن تولىقتى. بۇل ماڭىزدى وقيعا جاڭارۋ مەن بىرلىكتىڭ مەرەكەسى – ناۋرىز مەيرامى قارساڭىندا ءوتتى, دەپ حابارلايدى Egemen.kz
جاڭا اۆتوكولىكتەر ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى اڭساعان بالتابەكوۆكە تانىستىرىلدى. گەنەرال-مايور ا. بالتابەكوۆ قوعامدىق قاۋىپسىزدىكتى قامتاماسىز ەتەتىن اسكەري بولىمدەردىڭ تەحنيكالىق بازاسىن جاڭارتۋدىڭ ماڭىزدىلىعىنا ەرەكشە توقتالدى.
«ۇلتتىق ۇلان قوعام تىنىشتىعىن, زاڭ مەن ءتارتىپتى قورعاپ وتىر. قىزمەتتىك-جاۋىنگەرلىك مىندەتتەردى ورىنداۋ جوعارى دايىندىق پەن جەدەل ارەكەت ەتۋدى تالاپ ەتەدى. جاڭا اۆتوپاترۋلدەر بولىمشەلەردىڭ الەۋەتىن ءادىل ارتتىرىپ, قىزمەت تيىمدىلىگىن كۇشەيتەدى دەپ سەنەمىن», دەدى باس قولباسشى.
جاڭادان كەلگەن تەحنيكا پاترۋلدىك قىزمەتتىڭ ساپاسىن جاقسارتۋعا, شاقىرتۋلارعا ارەكەت ەتۋ ۋاقىتىن قىسقارتۋعا جانە ازاماتتاردىڭ قاۋىپسىزدىگىن ارتتىرۋعا مۇمكىندىك بەرەدى.
ۇلتتىق ۇلاننىڭ ساربازى تۋعان كۇنىندە العاش رەت داۋىس بەردى
ايتا كەتەيىك, ماتەريالدىق-تەحنيكالىق بازانى جاڭعىرتۋ جۇمىستارى جۇيەلى تۇردە جۇرگىزىلىپ جاتىر. قىسقا مەرزىم ىشىندە ۇلتتىق ۇلان بولىمشەلەرىنە 336 زاماناۋي تەحنيكا جەتكىزىلگەن, ونىڭ ىشىندە 120-دان استامى «وڭتۇستىك» وڭىرلىك قولباسشىلىعىنىڭ اسكەري بولىمدەرىنە ۇلەستىرىلگەن.
ۇلاندار العاشقىلاردىڭ ءبىرى بولىپ داۋىس بەرىپ, قوعامدىق ءتارتىپتى كۇزەتۋگە كىرىستى
اۆتوپاركتىڭ جاڭارتىلۋى – ەلدەگى تۇراقتىلىق پەن قۇقىقتىق ءتارتىپتى قامتاماسىز ەتۋ مىندەتتەرىن ورىنداۋ تۇرعىسىندا ۇلتتىق ۇلاننىڭ جاۋىنگەرلىك ازىرلىگىن نىعايتۋعا جانە قىزمەت تيىمدىلىگىن ارتتىرۋعا باعىتتالعان ماڭىزدى قادام.