استانا قالاسىندا ەكىنشى اۋەجاي سالۋ ماسەلەسى رەسمي دەڭگەيدە قاراستىرالا باستادى. بۇل تۋرالى كولىك ۆيتسە-ءمينيسترى تالعات لاستاەۆ سەناتتا وتكەن بريفينگ بارىسىندا مالىمدەدى, دەپ حابارلايدى Egemen.kz.
«قالا اكىمدىگىنىڭ جەتەكشىلىگىمەن ارنايى جۇمىس توبى قۇرىلدى. ونىڭ قۇرامىنا بارلىق قۇزىرلى ورگاندار ەندى. بۇل ماسەلە وتە مۇقيات ءارى ەگجەي-تەگجەيلى زەرتتەۋدى تالاپ ەتەدى, ويتكەنى كوپتەگەن تەحنيكالىق پارامەترلەردى ەسكەرۋ قاجەت», دەپ اتاپ ءوتتى تالعات لاستاەۆ.
ۆيتسە-ءمينيستردىڭ ايتۋىنشا, قازىرگى ۋاقىتتا ماماندار مەن ساراپشىلار جوبانى ىسكە اسىرۋدىڭ ءتۇرلى نۇسقالارىن قاراستىرىپ جاتىر.
«پروتسەسس باستالدى جانە ول ءجۇرىپ جاتىر. بارلىق تەحنيكالىق ماماندار مەن ساراپشىلار ىقتيمال نۇسقالاردىڭ ءبارىن زەردەلەۋدە», دەدى ول.
ەستەرىڭىزگە سالا كەتەيىك, 2025 جىلدىڭ جەلتوقسانىندا استانا اكىمى جەڭىس قاسىمبەك ەلوردادا ەكىنشى اۋەجايدىڭ سالىنۋى ابدەن مۇمكىن ەكەنىن تىلگە تيەك ەتكەن ەدى.