كولىك مينيسترلىگى ەلىمىزدىڭ ترانزيتتىك الەۋەتىن ارتتىرۋ جانە حالىقارالىق اۋە قاتىناسىن كەڭەيتۋ باعىتىنداعى جۇيەلى جۇمىستارىن جالعاستىرۋدا. وسى باستاما اياسىندا بيىلعى جىلدىڭ 11 شىلدەسىنەن باستاپ ۆەتنامدىق «VietJet Air» اۋە كومپانياسى جاڭا حالىقارالىق باعىتتى ىسكە قوسۋدى جوسپارلاپ وتىر, دەپ حابارلايدى Egemen.kz.
ەندى ۆەتنامدىق تاسىمالداۋشى «اۋە ەركىندىگىنىڭ بەسىنشى دارەجەسى» قۇقىعىن پايدالانا وتىرىپ, حانوي – الماتى – پراگا باعىتى بويىنشا تۇراقتى رەيستەردى ورىندايتىن بولادى. ساپارلار اپتاسىنا ەكى رەت «Airbus A330» اۋە كەمەلەرىمەن جۇزەگە اسپاق. بۇل قادام قازاقستاننىڭ ازيا مەن ەۋروپا اراسىنداعى ماڭىزدى ترانزيتتىك توراپ رەتىندەگى ءرولىن بەكەمدەي تۇسپەك.
تاياۋ شىعىستان ازاماتتاردى ەلگە قايتارۋ ءۇشىن قانشا قاراجات جۇمسالدى؟
مامانداردىڭ پىكىرىنشە, جاڭا اۋە باعىتى تەك تۋريستىك جانە گۋمانيتارلىق بايلانىستاردى عانا ەمەس, سونىمەن قاتار ۆەتنام جانە چەحيا ەلدەرىمەن ىسكەرلىك ىنتىماقتاستىقتى جاڭا دەڭگەيگە كوتەرەدى.
ەسكە سالا كەتەيىك, ناۋرىز مەرەكەسى قارساڭىندا ەل ىشىندە جولاۋشىلار اعىنى كوبەيۋىنە بايلانىستى وتاندىق اۋە كومپانيالار قوسىمشا 160 قوسىمشا رەيستى ورىندايدى.