ەكونوميست ءسابيت رىسباەۆ ەلىمىزدەگى جوعارى جىلدامدىقپەن جۇرەتىن تاسجولداردا جىلدامدىق شەكتەۋلەرىنىڭ بىركەلكى ەمەستىگىن ايتىپ, جۇرگىزۋشىلەردىڭ كەنەتتەن تومەن شەكتەۋگە تاپ بولۋى قيىندىق تۋدىراتىنىن مالىمدەدى, دەپ حابارلايدى Egemen.kz.
«استانا-بۋراباي, استانا-پاۆلودار اۆتوباندارىندا 140 كم/ساع جىلدامدىقپەن جۇرەسىز. سول سياقتى شىمكەنت-تۇركىستان, تاشكەنت-سامارقانت حالىقارالىق اۆتوباندارىندا دا قوزعالىپ كەلە جاتساڭىز, كەنەتتەن 60-80 كم/ساع شەكتەۋلەر قويىلعان. 120 كم/ساع جىلدامدىقپەن كەلە جاتىپ 60-قا تومەندەتۋ مۇمكىن ەمەس, ايىپپۇل دا ۇلكەن», دەدى ءسابيت رىسباەۆ «تۇسكى فورمات» باعدارلاماسىنا بەرگەن سۇحباتىندا.
ال ىشكى ىستەر ميننيسترلىگى اكىمشىلىك پوليتسيا كوميتەتىنىڭ رەسمي وكىلى اقتوتى بورانوۆا بۇل شەكتەۋلەردىڭ سەبەپتەرى بار ەكەنىن ءتۇسىندىردى. ونىڭ ايتۋىنشا, جىلدامدىق شەكتەۋلەرى كوبىنە ماۋسىمدىق جانە قاۋىپسىزدىك تالاپتارىنا بايلانىستى وزگەرىپ وتىرادى.
استانا – پاۆلودار تاسجولىندا جىلدامدىق رەجيمى وزگەرەدى
ء«سىز ايتىپ جاتقان جولداردا قىسقى مەزگىلگە بايلانىستى جىلدامدىق شەكتەلەدى. جول تاڭبالارى مىندەتتى تۇردە ورناتىلادى», دەدى بورانوۆا.