«قازتاگ» اقپارات اگەنتتىگىنىڭ ديرەكتورى اسەت ماتاەۆ ۇستالدى. بۇعان قاتىستى الماتى پوليتسيا دەپارتامەنتى تۇسىنىك بەردى, دەپ حابارلايدى Egemen.kz.
ونىڭ ۇستالعانى تۋرالى حابار Telegram جەلىسىندەگى Kozachkov offside ارناسىندا جاريالاندى.
«كەشە تۇندە الماتىدا «قازتاگ» اقپارات اگەنتتىگىنىڭ يەسى اسەت ماتاەۆ ۇستالدى. مەنىڭ قولىمداعى دەرەك بويىنشا, ول بۇزاقىلىق جاسادى دەگەن كۇدىككە ىلىنگەن», دەلىنگەن جازبادا.
پوليتسيا وقيعانىڭ ءمان-جايىن تۇسىندىرە كەلە, كەشە تۇندە الماتى قالاسى مەدەۋ اۋدانىندا ەر ادامدار اراسىندا «بۇزاقىلىققا ۇلاسقان» جانجال بولعانىن راستادى.
«الدىن الا مالىمەت بويىنشا, وقيعاعا قاتىسى بار ازاماتتار م. مەن ر. الكوگولگە ماس كۇيدە ويىن-ساۋىق مەكەمەسىنەن شىققاننان كەيىن جانجالداسىپ قالعان, ونىڭ سوڭى توبەلەسكە ۇلاسقان.
پوليتسيا قىزمەتكەرلەرى وقيعاعا قاتىسى باردىڭ ءبارىن ۇستاپ, پوليتسيا بولىمىنە جەتكىزدى. بۇزاقىلىق بويىنشا قىلمىستىق ءىس قوزعالدى.
قازىرگى ۋاقىتتا تەرگەپ-تەكسەرۋ شارالارى جۇرگىزىلۋدە. ارقايسىسىنىڭ ارەكەتى زاڭدىق تۇرعىدا باعالانادى. ال پوليتسيانىڭ پرينتسيپكە ساي ۇستانىمى – كەز كەلگەن اگرەسسيا مەن قوعامدىق تارتىپسىزدىكتى, اسىرەسە ماس كۇيدە جاسالعان ارەكەتتەردى قاتاڭ توقتاتۋ», دەدى دەپارتامەنت وكىلى.
ايتا كەتەيىك, بۇعان دەيىن الماتى قالاسىندا قىلمىستىق ءىس اياسىندا قوعام بەلسەندىسى سانجار بوقاەۆ ۇستالعانىن حابارلاعان ەدىك.