نورماتيۆتىك بازانى جاڭا كونستيتۋتسياعا سايكەس كەلتىرۋ ءۇشىن مەملەكەتتىڭ ينستيتۋتسيونالدىق نەگىزىن ترانسفورماتسيالاۋدى كەزەڭ-كەزەڭىمەن جۇزەگە اسىرۋ ءتاسىلى ەنگىزىلىپ جاتىر. بۇل تۋرالى ۇكىمەت وتىرىسىندا ادىلەت ءمينيسترى ەرلان سارسەمباەۆ حابارلادى, دەپ جازادى Egemen.kz.
مينيستر رەفورمانىڭ نەگىزىنە «ادامعا باعدارلانعان» ءتاسىل الىنعانىن ايتتى. ول قوعام مەن مەملەكەتتىڭ ءوزارا قاتىناسىن ساپا تۇرعىسىنان جاڭا حالىقتىق مودەل بويىنشا قالىپتاستىرادى. بۇگىندە پرەزيدەنتتىڭ كونستيتۋتسيانى جۇزەگە اسىرۋ تۋرالى جارلىعىندا پرەزيدەنت پەن ۇكىمەتتىڭ زاڭنامالىق باستاماسى تارتىبىمەن پارلامەنت ماجىلىسىنە ەنگىزىلەتىن زاڭ جوبالارىنىڭ تىزبەسى انىقتالعان.
ولجاس بەكتەنوۆ: جاڭا كونستيتۋتسيا مەملەكەت پەن قوعامنىڭ ورنىقتى دامۋىنا بەرىك نەگىز بولادى
نەگىزگى زاڭنامالىق وزگەرىستەر:
قولسۇعىلماۋشىلىق كەپىلدىكتەرىن نىعايتۋ: «ميراندا ەرەجەسىن» كونستيتۋتسيا دەڭگەيىندە بەكىتۋ. ۇستالعان ادامعا ونىڭ قۇقى ءجۇرىپ-تۇرۋ بوستاندىعىنا ناقتى شەكتەۋ سالىنعان كەزدەن-اق دەرەۋ حاباردار ەتىلۋى كەرەك.
تۇرعىن ءۇيدى قورعاۋ: سوتتىڭ شەشىمىنسىز تۇرعىن ۇيدەن ءوز ەركىمەن ايىرۋعا عانا ەمەس, ءماجبۇرلى تۇردە شىعارۋعا دا تىيىم سالۋ. بۇل نورما تۇرعىن ءۇي جانە ءىس جۇرگىزۋ كودەكستەرىن تۇزەتۋدى تالاپ ەتەدى.
تسيفرلىق قۇقىقتار: تسيفرلىق داۋىردە دەربەس دەرەكتەردى قورعاۋدى كۇشەيتۋ جانە پروتسەسسۋالدىق ارەكەتتەر كەزىندە جەكە ءومىر كەپىلدىكتەرىن كەڭەيتۋ.
قۇرىلىمدىق نەگىزدەردى قورعاۋ: اۋماقتىق تۇتاستىق پەن تاۋەلسىزدىكتى قامتاماسىز ەتۋ ءۇشىن قۇقىق بۇزۋشىلىقتاردىڭ اكىمشىلىك جانە قىلمىستىق قۇرامدارىن تۇزەتۋ.
استانا مەن الاتاۋ قالاسىنىڭ مارتەبەسى ارنايى كونستيتۋتسيالىق زاڭدارمەن بەكىتىلەدى
«جارلىقتى ىسكە اسىرۋ ماقساتىندا دەپۋتاتتار كورپۋسىمەن جانە مەملەكەتتىك ورگاندارمەن بىرلەسىپ 5 دەربەس كونستيتۋتسيالىق زاڭدى ازىرلەۋ باستالدى.
ولار:
«قر پرەزيدەنتى تۋرالى»;
«قازاقستان رەسپۋبليكاسىنىڭ قۇرىلتايى جانە ونىڭ دەپۋتاتتارىنىڭ مارتەبەسى تۋرالى»;
«قازاقستان حالىق كەڭەسى تۋرالى»;
«قر استاناسىنىڭ مارتەبەسى تۋرالى»;
«قر-نىڭ اكىمشىلىك-اۋماقتىق قۇرىلىمى تۋرالى».
سونداي-اق 8 كونستيتۋتسيالىق زاڭعا جانە 60-تان استام زاڭعا تۇزەتۋلەر ەنگىزۋ قاجەت. جوسپار شەڭبەرىندە قازىر پارلامەنتتىڭ قاراۋىنداعى زاڭ جوبالارىندا كونستيتۋتسيانىڭ جەكەلەگەن نوۆەللالارىن جۇزەگە اسىرۋ مۇمكىندىگى تۇرعىسىنان رەۆيزيا جۇرگىزۋ كوزدەلەدى», دەدى ەرلان سارسەمباەۆ.
ونەركاسىپتىك الپاۋىتتار قالاي باقىلانادى؟ مينيسترلىك اۆتوماتتاندىرىلعان مونيتورينگ جۇيەسىن ەنگىزبەك