ۇكىمەت وتىرىسىندا پرەمەر-مينيستر ولجاس بەكتەنوۆ جاۋاپتى مەملەكەتتىك ورگاندارعا جاڭا كونستيتۋتسيانى جاپپاي تارالىممەن باسىپ شىعارىپ, ەلەكتروندىق پلاتفورمالاردا ورنالاستىرۋدى تاپسىردى, دەپ حابارلايدى Egemen.kz.
«جاڭا كونستيتۋتسيادا مەملەكەت پەن قوعامنىڭ ورنىقتى دامۋىنا بەرىك نەگىز بولاتىن نورمالار مەن ەرەجەلەر تۇگەل قامتىلعان.
بىرىنشىدەن, جاڭا كونستيتۋتسيانىڭ نورمالارى بويىنشا اقپاراتتىق-ءتۇسىندىرۋ جۇمىستارىن جالعاستىرۋ قاجەت. وسىعان بايلانىستى مادەنيەت جانە اقپارات مينيسترلىگىنە ءبىر اپتا ىشىندە ءتيىستى اقپاراتتىق جۇمىس جوسپارىن ازىرلەۋدى تاپسىرامىن.
2026 جىلدىڭ 10 ساۋىرىنە دەيىن كونستيتۋتسيانى جاپپاي تارالىممەن باسىپ شىعارىپ, مەملەكەتتىك ورگاندارعا, ءبىلىم بەرۋ, مادەنيەت ۇيىمدارىنا, كىتاپحانالار مەن ساۋدا ورىندارىنا جەتكىزۋ كەرەك», دەدى ولجاس بەكتەنوۆ.
جاساندى ينتەللەكت جانە تسيفرلىق دامۋ مينيسترلىگىنە كونستيتۋتسيا ءماتىنىن جالپىعا قولجەتىمدى ەلەكتروندىق پلاتفورمالاردا ورنالاستىرۋ تاپسىرىلدى.
قازاقستاندا ازاماتتاردىڭ دەربەس دەرەكتەرىن قورعاۋ كۇشەيتىلەدى
سونداي-اق ءبىلىم بەرۋ سالاسى ءۇشىن مەكتەپتەردە, كوللەدجدەردە جانە ۋنيۆەرسيتەتتەردە كونستيتۋتسيا ەرەجەلەرى بويىنشا وقۋ ساباقتارىن وتكىزۋ تاپسىرىلدى.
«وقۋ-اعارتۋ, عىلىم جانە جوعارى ءبىلىم مينيسترلىكتەرىنە 20 ساۋىرگە دەيىن ءتيىستى ادىستەمەلىك نۇسقاۋلار مەن وقۋ-ادىستەمەلىك قۇرالدارىن ازىرلەۋدى تاپسىرامىن», دەدى و. بەكتەنوۆ.
ونەركاسىپتىك الپاۋىتتار قالاي باقىلانادى؟ مينيسترلىك اۆتوماتتاندىرىلعان مونيتورينگ جۇيەسىن ەنگىزبەك