قازاقستاندا ەكولوگيالىق ساياساتتىڭ زاماناۋي قۇرالدارى ەنگىزىلەدى. ەكولوگيا جانە تابيعي رەسۋرستار ءمينيسترى ەرلان نىسانباەۆ ۇكىمەت وتىرىسىندا جاڭا كونستيتۋتسيانىڭ نورمالارىن ەكولوگيالىق رەتتەۋ ماسەلەلەرى بويىنشا جۇزەگە اسىرۋ جونىندە جوسپارلانىپ وتىرعان شارالار تۋرالى باياندادى, دەپ حابارلايدى Egemen.kz.
ەرلان نىسانباەۆ جاڭا ەرەجەلەر سالالىق زاڭنامانى جەتىلدىرۋ جانە ەكولوگيالىق ساياساتتىڭ زاماناۋي قۇرالدارىن ەنگىزۋ ارقىلى جۇزەگە اسىرىلاتىنىن اتاپ ءوتتى.
بەكتەنوۆ: جۇرگىزىلىپ جاتقان اۋقىمدى وزگەرىستەر قازاقستاننىڭ كەز كەلگەن سىن-قاتەرلەرگە توتەپ بەرۋىن قامتاماسىز ەتەدى
مينيستر ەڭ ماڭىزدى باعىتتاردى ءبولىپ كورسەتتى, سونىڭ ىشىندە:
رەتتەۋدىڭ الدىن الۋ مودەلىنە كوشۋ. لاستانۋ سالدارىن جويۋدان ەكولوگيالىق زالالدىڭ الدىن الۋعا باسا نازار اۋدارىلادى; ونەركاسىپتىك كاسىپورىنداردىڭ نورماتيۆتەردى اسىرعانى ءۇشىن جاۋاپكەرشىلىگىن بەلگىلەي وتىرا, ەكولوگيالىق جاڭعىرتۋعا باعىتتالعان مونيتورينگتىڭ اۆتوماتتاندىرىلعان جۇيەلەرىن ەنگىزۋ; ەكولوگيالىق تالاپتاردى ونەركاسىپتىك جوسپارلاۋ جانە باسقارۋ پروتسەستەرىنە بىرىكتىرۋگە مۇمكىندىك بەرەتىن كەشەندى ەكولوگيالىق رۇقساتتار جۇيەسىن دامىتۋ; وڭىرلەردە قالدىقتاردى باسقارۋ سالاسىنداعى ينفراقۇرىلىمدىق پروبلەمالاردى شەشۋگە باعىتتالعان جوبالاردى جەڭىلدىكپەن قارجىلاندىرۋ تەتىگىن قولدانۋدى جالعاستىرۋ جوسپارلانۋدا. بۇل باعىت 64 جوبانى جۇزەگە اسىرۋدى كوزدەيدى, سونىڭ ىشىندە 90 ملرد تەڭگەدەن استام سوماعا 26 جوبا قارجىلاندىرىلىپ, جۇزەگە اسىرىلۋدا; ەكونوميكالىق قۇرالداردى كەڭەيتۋ, اتاپ ايتقاندا وفسەتتىك شەشىمدەردى, سونداي-اق ەكولوگيالىق تولەمدەردى قولدانۋ تازا تەحنولوگيالاردى ەنگىزۋدى ىنتالاندىرۋعا مۇمكىندىك بەرەدى.«وتكەن جىلدىڭ سوڭىندا قالدىقتاردىڭ بارلىق تۇرلەرىن باسقارۋ تۇجىرىمداماسى قابىلدانعانىن اتاپ ءوتۋ ماڭىزدى, بۇل – بۇكىل سالانى جۇيەلەيتىن العاشقى باعدارلامالىق قۇجات», دەدى ەرلان نىسانباەۆ.
پرەمەر-مينيستر: قازاقستاندىقتار مەملەكەت باسشىسىنىڭ بارلىق باستاماسىن قولداپ, ناعىز وتانشىلدىقتىڭ ۇلگىسىن پاش ەتتى