الداعى جىلدارى مەكتەپ وقۋلىقتارى تولىعىمەن جاڭارتىلادى

ۇكىمەت وتىرىسىندا وقۋ-اعارتۋ ءمينيسترى جۇلدىز سۇلەيمەنوۆا 2026 جىلى 3, 4, 7, 8 جانە 9 سىنىپتارعا ارنالعان وقۋلىقتار جاڭارتىلاتىنىن مالىمدەدى. ال 2027 جىلى 1 جانە 5 سىنىپتارعا ارنالعان جاڭا وقۋلىقتار جارىق كورەدى. سونىمەن قاتار وسى جىلى 10-11 سىنىپتاردىڭ وقۋلىقتارى, كارتالار مەن تاريحي اكىمشىلىك ماتەريالدار تولىق جاڭارتىلىپ, قايتا قارالادى. 2028 جىلى 2 جانە 6 سىنىپتارعا ارنالعان جاڭا وقۋلىقتاردى شىعارۋ جوسپارلانعان.

جاڭا كونستيتۋتسيا – ەلدىكتىڭ تىرەگى, ەگەمەندىكتىڭ تۇعىرى

ءمينيستردىڭ ايتۋىنشا, بۇل قادام وقۋشىلاردىڭ ساپالى ءبىلىم الۋىنا, ولاردىڭ اناليتيكالىق جانە عىلىمي ويلاۋ قابىلەتىن دامىتۋعا, سونداي-اق قازىرگى ەكونوميكا تالاپتارىنا ساي قۇزىرەتتەردى قالىپتاستىرۋعا نەگىز بولادى.

ء«دال وسى ءتاسىل وقۋشىلاردىڭ ساپالى دايىندىعىن قامتاماسىز ەتۋگە, ولاردىڭ اناليتيكالىق جانە عىلىمي ويلاۋىن دامىتۋعا, سونداي-اق قازىرگى ەكونوميكادا سۇرانىسقا يە قۇزىرەتتەردى قالىپتاستىرۋعا مۇمكىندىك بەرەدى. وسىلايشا, ءبىلىم بەرۋ جۇيەسى مەملەكەت باسشىسىنىڭ العا قويعان جاھاندىق عىلىمي-تەحنولوگيالىق وزگەرىستەر جاعدايىندا لايىقتى باسەكەلەسە الاتىن تەحنولوگيالىق ۇلت قالىپتاستىرۋ جونىندەگى ستراتەگيالىق مىندەتىن دايەكتى تۇردە جۇزەگە اسىراتىن بولادى», دەدى جۇلدىز سۇلەيمەنوۆا.

سونىمەن بىرگە تەحنيكالىق جانە كاسىپتىك ءبىلىم بەرۋدى دامىتۋعا باسىمدىق بەرىلەدى. بۇل باعىتتا ءوندىرىس پەن ءبىلىم بەرۋ اراسىنداعى بايلانىستى نىعايتاتىن دۋالدى وقىتۋ جۇيەسىن جەتىلدىرۋ كوزدەلگەن.

وقۋلىق مازمۇنىنا كىم جاۋاپتى؟

بۇدان بولەك, تاربيە جۇمىسى دا جاڭا مازمۇنمەن تولىقپاق. اتاپ ايتقاندا, 5-9 سىنىپتارعا ارنالعان «ادال ازامات» بىرىڭعاي باعدارلاماسى, «كونستيتۋتسيا نەگىزدەرى», «زاڭ مەن ءتارتىپ» كۋرستارى, سونداي-اق ەكولوگيالىق ءبىلىم بەرۋ باعىتتارى ەنگىزىلەدى. بۇل باستامالار وقۋشىلاردىڭ ازاماتتىق جاۋاپكەرشىلىگىن ارتتىرىپ, پاتريوتتىق ساناسىن قالىپتاستىرۋعا ىقپال ەتپەك.

تالعاماي وقۋدىڭ پايداسى بار ما؟

جالپى, قولعا الىنعان شارالار ءبىلىم بەرۋ ساپاسىن ارتتىرىپ, زياتكەر, باسەكەگە قابىلەتتى ۇرپاق تاربيەلەۋگە باعىتتالعان.