بىرقاتار وڭىردە اۋا رايى كۇرت قۇبىلىپ, جاۋىن-شاشىن, تۇمان جانە جەل كۇشەيۋى مۇمكىن. سينوپتيكتەردىڭ مالىمەتىنشە, كۇن جىلىنعانىمەن, اتموسفەرالىق تۇراقسىزدىق ساقتالىپ وتىر, دەپ حابارلايدى Egemen.kz.
بۇگىن ەلدىڭ باسىم بولىگىندە اۋا رايىنا بايلانىستى داۋىلدى ەسكەرتۋ جاريالانعان. وعان نەگىزگى سەبەپ – قالىڭ تۇمان, كوكتايعاق جانە ەكپىندى جەل. كەي وڭىرلەردە نايزاعاي سوعىپ, جاڭبىر جاۋسا, ەندى ءبىر ايماقتاردا شاڭدى داۋىل بولۋى ىقتيمال.
بۇگىن تۇركىستان وبلىسىندا جاڭبىر مەن نايزاعاي كۇتىلەدى. ال اتىراۋ وبلىسىندا سينوپتيكتەر شاڭدى داۋىل بولادى دەپ بولجايدى. بۇل جاعدايلار جول قوزعالىسىنا جانە تۇرعىنداردىڭ كۇندەلىكتى تىرشىلىگىنە اسەر ەتۋى مۇمكىن.
استانادا كۇندىز اۋا تەمپەراتۋراسى +3+5 °C, تۇندە -8-10 °C شاماسىندا بولادى. جەلدىڭ جىلدامدىعى 2-7 م/س-قا دەيىن جەتۋى مۇمكىن.
الماتىدا كۇندىز +11+13 °C, تۇندە +2+4 °C جىلى. قالادا كەي ۋاقىتتاردا تۇمان تۇسەدى دەپ كۇتىلەدى. جەلدىڭ جىلدامدىعى 3-8 م/س-قا دەيىن جەتۋى مۇمكىن.
شىمكەنتتە كۇن رايى ءبىرشاما جىلى: كۇندىز +17+19 °C, تۇندە +5+7 °C. جەلدىڭ ەكپىنى 8-13 م/س دەيىن جەتەدى.
قاي وڭىرلەردە جول جابىق تۇر؟
«قازگيدرومەت» مالىمەتىنشە, 18 ناۋرىزدا قوستاناي, پاۆلودار, قاراعاندى, جەزقازعان, بالقاش, تەمىرتاۋ, ورال, اقتوبە, الماتى جانە استانا قالالارىندا اۋا ساپاسى ناشارلايدى.