سولتۇستىك قازاقستان وبلىسىندا ءوڭىردىڭ ەلەكتر جەلىلەرىنە قىزمەت كورسەتەتىن كاسىپورىننىڭ قىزمەتكەرى جۇمىس بارىسىندا توق سوعىپ, كوز جۇمدى, دەپ حابارلايدى Egemen.kz.
قايعىلى وقيعا 17 ناۋرىز كۇنى بولعان. سولتۇستىك قازاقستان وڭىرلىك ەلەكتر جەلىلىك كومپانياسىنىڭ قىزمەتكەرى جوسپارلى جۇمىستاردى ورىنداۋ كەزىندە توق سوعىپ مەرت بولدى.
كومپانيانىڭ مالىمەتىنشە, وقيعا ورنىندا شۇعىل مەديتسينالىق كومەك كورسەتىلگەنىمەن, قىزمەتكەردىڭ ءومىرىن ساقتاپ قالۋ مۇمكىن بولماعان.
«قايعىلى جاعدايدىڭ بارلىق ءمان-جايى مەن سەبەپتەرىن انىقتاۋ ءۇشىن ارنايى كوميسسيا قۇرىلدى. قازىر ءتيىستى تەرگەۋ جۇرگىزىلىپ جاتىر», دەپ حابارلادى كومپانيانىڭ ءباسپاسوز قىزمەتى.
كاسىپورىن وكىلدەرى قازا تاپقان قىزمەتكەردىڭ وتباسىنا قاجەتتى بارلىق قولداۋ كورسەتىلەتىنىن مالىمدەدى.
اباي وبلىسىندا 50 جۇمىسشى مىنگەن اۆتوبۋس اپاتقا ۇشىرادى