شاحباز شاريف قاسىم-جومارت توقاەۆتى قازاقستان رەسپۋبليكاسىنىڭ جاڭا كونستيتۋتسياسىن قابىلداۋ بويىنشا رەسپۋبليكالىق رەفەرەندۋمنىڭ تابىستى وتۋىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پاكىستان پرەمەر-ءمينيسترى مەملەكەتتىك باسقارۋ جۇيەسى مەن ينستيتۋتسيونالدىق ورنىقتىلىقتى ودان ءارى نىعايتۋعا جانە حالىقتىڭ ءال-اۋقاتىن جاقسارتۋعا باعىتتالعان بۇل ۋاقيعانىڭ تاريحي ماڭىزىن اتاپ ءوتتى.
مەملەكەت باسشىسى جاڭا كونستيتۋتسياعا قول قويدى
شاحباز ءشاريفتىڭ ايتۋىنشا, بۇكىلحالىقتىق داۋىس بەرۋ ناتيجەسى قازاقستان ازاماتتارى قاسىم-جومارت توقاەۆتىڭ ساياسي جانە الەۋمەتتىك-ەكونوميكالىق رەفورمالارىن كەڭىنەن قولدايتىنىن كورسەتتى.
توقاەۆ: جاڭا كونستيتۋتسيا قازاقستاننىڭ جاڭا داۋىرىنە جول اشادى
مەملەكەت باسشىسى قۇتتىقتاۋى مەن رەفەرەندۋم قورىتىندىسىن جوعارى باعالاعانى ءۇشىن پاكىستان پرەمەر-مينيسترىنە العىس ايتتى.
قاسىم-جومارت توقاەۆ پەن شاحباز شاريف ەكى ەل اراسىنداعى ستراتەگيالىق سەرىكتەستىكتىڭ وڭ قارقىنىنا كوڭىلدەرى تولاتىنىن ايتتى. وسى ورايدا پرەزيدەنتتىڭ بيىل اقپان ايىندا پاكىستانعا جاساعان مەملەكەتتىك ساپارىنىڭ ناتيجەسىندە قول جەتكىزىلگەن ۋاعدالاستىقتاردى جۇزەگە اسىرۋ بارىسى تالقىلاندى.
مەملەكەت باسشىسى مەن پاكىستان پرەمەر-ءمينيسترى وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى جونىندە پىكىر الماستى.
ەسكە سالا كەتەيىك, بۇگىن ەلىمىزدە جاڭا كونستيتۋتسيا قابىلداندى. وسى تاريحي وقيعا اياسىندا مەملەكەت دامۋىنا ەلەۋلى ۇلەس قوسقان ءبىر توپ ازامات مەملەكەتتىك ناگرادالارمەن ماراپاتتالدى.