19 ناۋرىزدان باستاپ ەلىمىزدەگى ەكىنشى دەڭگەيلى بانكتەر تۇرعىن ءۇي قۇرىلىس جيناقتارى جۇيەسىنە قاتىسادى. ەندى سالىمشىلار ەكىنشى دەڭگەيلى بانكتەردە تۇرعىن ءۇي ءۇشىن قارجى جيناي الادى. ال بانكتەرگە وسى جۇيە اياسىندا نەسيە بەرۋگە رۇقسات ەتىلەدى, دەپ جازادى Egemen.kz.
اتالعان وزگەرىستەرگە سايكەس, بانكتەرگە تۇرعىن ءۇي قۇرىلىس جيناقتارى جۇيەسىنە قاتىسۋ ءۇشىن ارنايى جەكە ليتسەنزيا الۋدىڭ قاجەتى جوق. سونىمەن قاتار كوممەرتسيالىق ەكىنشى دەڭگەيلى بانكتەردە اشىلعان دەپوزيتتەرگە جىل سايىن بەرىلەتىن مەملەكەتتىك سىيلىقاقى ەسەپتەلمەيدى.
«ناۋرىز» باعدارلاماسىنا ءوتىنىم قابىلداۋ ۋاقىتشا توقتاتىلادى
سالىم بويىنشا سىياقى مولشەرلەمەسى مەن بەرىلەتىن قارىزدىڭ پايىزدىق مولشەرلەمەسى تۇرعىن ءۇي قۇرىلىس جيناقتارى تۋرالى شارت جاسالعان كەزدە بەلگىلەنەدى جانە كەلىسىمشارتتىڭ تولىق مەرزىمى بويى وزگەرىسسىز قالادى.
سونىمەن قاتار قازاقستان قارجىگەرلەر قاۋىمداستىعىنىڭ باس ساراپشىسى رامازان دوسوۆ كوممەرتسيالىق ەكىنشى دەڭگەيلى بانكتەردىڭ بۇل باعىتتا «وتباسى بانكپەن» باسەكەگە تۇسە الاتىنىنا كۇمان كەلتىرەتىنىن ايتتى. ساراپشىنىڭ پىكىرىنشە, لايىقتى باسەكە ءۇشىن كوممەرتسيالىق ەكىنشى دەڭگەيلى بانكتەردىڭ ەكونوميكالىق جاعداي «وتباسى بانكپەن» تەڭەسپەيدى.
«وتباسى بانك»: 600 مىڭعا جۋىق ادام مەملەكەتتىك سىياقى الدى
دەسە دە ساراپشى قارجى ينستيتۋتتارى ءۇشىن تۇرعىن ءۇي قۇرىلىس جيناقتارى جۇيەسىنە قاتىسۋ قور تارتۋ كوزدەرىن ءارتاراپتاندىرۋ, ونىمدەر جەلىسىن كەڭەيتۋ جانە جاڭا كليەنتتەر تارتۋ تۇرعىسىنان الەۋەتتى ارى قىزىقتى بولۋى مۇمكىن ەكەنىن جەتكىزدى.