اقوردادا جاڭا كونستيتۋتسيانى قابىلداۋعا ارنالعان سالتاناتتى جيىن ءوتتى. مەملەكەت باسشىسى قاسىم-جومارت توقاەۆ ەلىمىزدىڭ كونستيتۋتسياسىنا جانە «2026 جىلعى 15 ناۋرىزدا قابىلدانعان قازاقستان رەسپۋبليكاسىنىڭ كونستيتۋتسياسىن ىسكە اسىرۋ جونىندەگى شارالار تۋرالى» جارلىققا قول قويدى, دەپ حابارلايدى Egemen.kz.
ءىس-شاراعا پرەمەر-مينيستر ولجاس بەكتەنوۆ, پارلامەنت سەناتىنىڭ توراعاسى ماۋلەن اشىمباەۆ, ءماجىلىس توراعاسى ەرلان قوشانوۆ, مەملەكەتتىك كەڭەسشى ەرلان قارين, پرەزيدەنت اكىمشىلىگىنىڭ باسشىسى ايبەك دادەباي, ۇكىمەت مۇشەلەرى, ورتالىق مەملەكەتتىك ورگانداردىڭ جەتەكشىلەرى, وبلىستار مەن استانا, الماتى جانە شىمكەنت قالالارىنىڭ اكىمدەرى, سونداي-اق كونستيتۋتسيالىق كوميسسيا مەن جالپىۇلتتىق كواليتسيا مۇشەلەرى قاتىستى.
مەملەكەت باسشىسىنا رەسپۋبليكالىق رەفەرەندۋم ناتيجەسىنە وراي قۇتتىقتاۋ جەدەلحاتتارى كەلىپ ءتۇستى
جيىندا ورتالىق رەفەرەندۋم كوميسسياسىنىڭ توراعاسى نۇرلان ءابدىروۆ جاڭا كونستيتۋتسيا جوباسى بويىنشا وتكەن رەسپۋبليكالىق رەفەرەندۋمنىڭ قورىتىندىسىن جاريالادى. ونىڭ ايتۋىنشا, داۋىس بەرۋ ۇدەرىسى زاڭ تالاپتارىنا ساي ءوتىپ, ازاماتتار بەلسەندىلىك تانىتقان.
پرەزيدەنت كونستيتۋتسيانى قابىلداۋعا ارنالعان سالتاناتتى جيىنعا قاتىستى
سالتاناتتى جيىن ەلدەگى ساياسي جاڭعىرۋدىڭ جاڭا كەزەڭىن ايقىنداپ, جاڭا كونستيتۋتسيانى ىسكە اسىرۋعا باعىتتالعان ناقتى قادامداردىڭ باستالعانىن كورسەتتى.
وسى جارلىق قول قويىلعان كۇنىنەن باستاپ قولدانىسقا ەنگىزىلەدى.