اتىراۋداعى مەكتەپتەردىڭ بىرىندە جاراقات العان وقۋشى قىز اۋرۋحانانىڭ جانساقتاۋ بولىمىنەن حيرۋرگيالىق پالاتاعا اۋىستىرىلدى. ونىڭ جاعدايى ورتاشا اۋىر دەپ باعالانعان, دەپ حابارلايدى Egemen.kz.
وقيعا Binom جەكە مەكتەبىندە ءۇزىلىس كەزىندە بولعان. الدىن الا مالىمەت بويىنشا, توعىزىنشى سىنىپ وقۋشىسى سەگىزىنشى سىنىپتا وقيتىن قىزدى ۇشكىر زاتپەن (پىشاق نەمەسە قايشى بولۋى مۇمكىن) كەۋدە, قول جانە مويىن ايماعىنان جاراقاتتاعان. پوليتسيا كۇدىكتىنى ۇستاپ, قىلمىستىق ءىس قوزعالعانعانىن مالىمدەدى.
شابۋىلدىڭ سەبەبى ازىرگە بەلگىسىز. مەكتەپ ديرەكتورىنىڭ ايتۋىنشا, كۇدىكتى بۇعان دەيىن قىلمىستىق نەمەسە پسيحونەۆرولوگيالىق ەسەپتە بولماعان. ول تەك اكادەميالىق ۇلگەرىمى تومەن وقۋشىلار تىزىمىندە بولعان.
تارازدا مەكتەپ وقۋشىسىن جەتى قىز جابىلىپ سوققىعا جىققان
Binom اتىراۋ مەكتەبىنىڭ ديرەكتورى ونەربەك ەرعاليەۆ تەرگەۋ ارەكەتتەرىنە بايلانىستى تولىق پىكىر بىلدىرە المايتىنىن, سونداي-اق مەكتەپ اكىمشىلىگى نەمەسە ۇستازداردىڭ كامەلەتكە تولماعان وقۋشىلاردىڭ سومكەلەرىن تەكسەرۋگە قۇقى جوق ەكەنىن ايتقان.
كۇدىكتىنىڭ اتا-اناسى بالانى دۇرىس تاربيەلەمەگەنى ءۇشىن ايىپپۇل تولەگەن. وسى وقيعادان كەيىن Binom مەكتەپتەرىندە قاۋىپسىزدىك شارالارى كۇشەيتىلگەن.