2028 جىلى اقش-تىڭ لوس-اندجەلەس قالاسىندا وتەتىن وليمپيادا ويىندارىنا دايىندىق اياسىندا حالىقارالىق وليمپيادالىق كوميتەتىنىڭ (حوك) جەكە ستيپەنديالىق باعدارلاماسىنا ەنگەن قازاقستاندىق سپورتشىلارعا العاشقى قارجىلىق تولەم جاسالدى. بۇل تۋرالى ۇلتىق وليمپيادا كوميتەتى حابارلادى, دەپ جازادى Egemen.kz.
قولداۋ اياسىندا ءاربىر سپورتشىعا 2 500 دوللار كولەمىندە قاراجات بەرىلگەن.
اتالعان باعدارلاما وليمپياداعا ىرىكتەۋ كەزەڭى مەن دايىندىق بارىسىندا سپورتشىلارعا قارجىلاي قولداۋ كورسەتۋگە باعىتتالعان. ەل اتلەتتەرىنىڭ ستيپەنديا يەگەرلەرى قاتارىنا قوسىلۋىنا قازاقستان ۇلتتىق وليمپيادالىق كوميتەتى باستاماشى بولعان. ۇوك ۇلتتىق فەدەراتسيالارمەن جانە حوك-پەن بىرلەسىپ جۇمىس جۇرگىزىپ, ءوتىنىم بەرۋ پروتسەسىن تولىق ۇيلەستىرگەن.
جانكۇيەرلەر ەربول حاميتوۆتى اۋەجايدا سالتاناتتى تۇردە قارسى الدى
ستيپەنديا 2028 جىلعى وليمپيادا ويىندارىنىڭ باعدارلاماسىنا ەنگەن جەكە سپورت تۇرلەرىندە باق سىنايتىن سپورتشىلارعا بەرىلەدى. ىرىكتەۋ بارىسىندا ۇمىتكەرلەردىڭ ناتيجەلەرى, وليمپياداعا جولداما الۋعا مۇمكىندىگى جانە جوعارى ناتيجە كورسەتۋ الەۋەتى باستى نازارعا الىندى. سونىمەن قاتار دوپينگكە قاتىستى ەرەجە بۇزۋ دەرەكتەرىنىڭ بولماۋى جانە وليمپيادالىق حارتيا تالاپتارىنا قايشى كەلەتىن جايتتاردىڭ جوقتىعى ماڭىزدى تالاپتاردىڭ ءبىرى بولدى.
قازاقستان قۇراماسى دزيۋدودان اۆسترياداعى گران-ءپريدىڭ العاشقى كۇنىندە ءبىر قولا مەدال جەڭىپ الدى
«بولىنگەن قاراجات وقۋ-جاتتىعۋ جيىندارىن وتكىزۋگە, جەكە دايىندىققا, جاتتىقتىرۋشىلار مەن مامانداردىڭ ەڭبەكاقىسىن تولەۋگە, مەديتسينالىق جانە عىلىمي قولداۋعا, ساقتاندىرۋعا, سونداي-اق, تۇرۋ مەن تاماقتانۋ شىعىندارىن وتەۋگە جۇمسالۋى مۇمكىن. قارجىنىڭ جۇمسالۋى بەلگىلەنگەن تارتىپكە ساي تۇراقتى تۇردە ەسەپكە الىنادى. 2028 جىلعى وليمپياداعا دايىندىق كەزەڭى باستالدى. ءاربىر دايىندىق ساتىسىنىڭ ماڭىزى زور. بۇل ستيپەنديا سپورتشىلارعا جاتتىعۋ جوسپارىن جۇيەلى قۇرىپ, ىرىكتەۋ جارىستارىنا تىڭعىلىقتى ازىرلەنۋگە كومەكتەسەدى. ناتيجەسىندە ولار كوزدەگەن كورسەتكىشتەرىنە قول جەتكىزۋگە مۇمكىندىك الادى», دەلىنگەن ۇلتىق وليمپيادا كوميتەتى تاراتقان حابارلامادا.
قىسقى پاراليمپيادا اياقتالدى: قازاقستان جالپى ەسەپتە قانداي ناتيجە كورسەتتى؟
حوك ستيپەندياسىن يەلەنگەن سپورتشىلار:
ايدا ابىكەەۆا (بوكس); ساعىندىق توعامباي (بوكس); عۇسمان قىرعىزباەۆ (دزيۋدو); ءابيبا ابۋجاقىنوۆا (دزيۋدو); ميلاد كاريمي (سپورتتىق گيمناستيكا); رۋسلان كۋربانوۆ (سەمسەرلەسۋ); يسحار كۋرباەۆ (گرەك-ريم كۇرەسى); ريزابەك ايتمۇحان (ەركىن كۇرەس); زەينەپ بايانوۆا (ايەلدەر كۇرەسى); ماريا بروۆكوۆا (ەسكەك ەسۋ - بايداركا/كانوە); الەكساندرا لە (نىسانا كوزدەۋ); يسلام ساتپاەۆ (نىسانا كوزدەۋ); ءامىر مايمۇراتوۆ (سپورتتىق قۇزعا ورمەلەۋ); باتىرحان تولەۋعالي (تاەكۆوندو) الان قۇرمانعاليەۆ (ۇستەل تەننيسى); ەليزاۆەتا ماتۆەەۆا (جەڭىل اتلەتيكا); اسەم ورىنباي (ستەند اتۋ); سەرگەي پەتروۆيچ (اۋىر اتلەتيكا); اراي نۇرلىبەكوۆا (اۋىر اتلەتيكا); دانيل مۋساباەۆ (باتۋتتاعى گيمناستيكا).