قاراعاندىدا اۆتوگاز قۇيۋ ستانتسياسىندا سۇيىتىلعان گازدى ساتۋ بارىسىندا زاڭ تالاپتارى ساقتالماعانى انىقتالدى. جوسپاردان تىس تەكسەرۋ ناتيجەسىندە ولشەۋ قۇرالدارىنىڭ مىندەتتى تەكسەرۋدەن وتپەگەنى بەلگىلى بولىپ, كاسىپكەرلىك سۋبەكتىسى اكىمشىلىك جاۋاپكەرشىلىككە تارتىلدى, دەپ جازادى Egemen.kz
تەحنيكالىق رەتتەۋ جانە مەترولوگيا كوميتەتىنىڭ قاراعاندى وبلىسى بويىنشا دەپارتامەنتى تۇرعىننىڭ ءوتىنىشى نەگىزىندە تەكسەرۋ جۇرگىزگەن. ناتيجەسىندە قالاداعى پريگورودنايا كوشەسىندە ورنالاسقان اۆتوگاز قۇيۋ ستانتسياسىندا قازاقستان رەسپۋبليكاسىنىڭ ولشەم بىرلىگىن قامتاماسىز ەتۋ سالاسىنداعى زاڭناما تالاپتارىنىڭ بۇزىلعانى انىقتالدى.
ۇكىمەت اقتاۋ بۋ-گاز قوندىرعىسىن سالۋ جونىندەگى كەلىسىمگە قول قويۋدى ماقۇلدادى
اتاپ ايتقاندا, سۇيىتىلعان گازدى ساتۋ كەزىندە قولدانىلاتىن ۋزگس-01 ءتيپتى گاز قۇيۋ قوندىرعىسى مىندەتتى سالىستىرىپ تەكسەرۋدەن وتپەي پايدالانىلعان. مۇنداي قۇرالداردى قولدانۋ ولشەۋ ناتيجەلەرىنىڭ دالدىگىنە كۇمان كەلتىرىپ, تۇتىنۋشىلاردىڭ قۇقىقتارىنىڭ بۇزىلۋىنا اكەلۋى مۇمكىن.
قولدانىستاعى زاڭناماعا سايكەس, مەملەكەتتىك مەترولوگيالىق باقىلاۋعا جاتاتىن ءارى تەكسەرۋدەن وتپەگەن ولشەۋ قۇرالدارىن پايدالانۋ زاڭبۇزۋشىلىق سانالادى. بۇل ءۇشىن اكىمشىلىك قۇقىق بۇزۋشىلىق تۋرالى كودەكستىڭ 419-بابى 1-بولىگىنىڭ 2-تارماعىنا سايكەس جاۋاپكەرشىلىك كوزدەلگەن.
استانادا قۇتقارۋشىلار ءورت كەزىندە 3 گاز باللونىن سىرتقا الىپ شىققان
تەكسەرۋ قورىتىندىسىندا كاسىپكەرلىك سۋبەكتىسى قىسقارتىلعان اكىمشىلىك ءىس جۇرگىزۋ تارتىبىمەن 670 375 تەڭگە كولەمىندە ايىپپۇل تولەۋگە مىندەتتەلدى. سونىمەن قاتار كاسىپورىنعا انىقتالعان بۇزۋشىلىقتاردى جويۋ جانە گاز تاراتۋ كولونكالارىن ءتيىستى تەكسەرۋدەن وتكىزۋ تۋرالى نۇسقاما بەرىلدى.
مامانداردىڭ ايتۋىنشا, تەحنيكالىق رەتتەۋ جانە مەترولوگيا سالاسىنداعى تالاپتاردى ساقتاۋ – تۇتىنۋشىلاردىڭ قۇقىعىن قورعاۋدىڭ جانە قىزمەت كورسەتۋ بارىسىندا ولشەۋ دالدىگىن قامتاماسىز ەتۋدىڭ باستى كەپىلى.
رەسەي ەۋروپاعا گاز جەتكىزۋدى توقتاتۋى مۇمكىن