«وتباسى بانك» ناۋرىز مەرەكەسىنە وراي 21-25 ناۋرىز ارالىعىندا «ناۋرىز» تۇرعىن ءۇي باعدارلاماسى بويىنشا يپوتەكاعا ءوتىنىم قابىلداۋ ۋاقىتشا توقتاتىلاتىنىن حابارلادى, دەپ جازادى Egemen.kz.
ياعني مەرەكەلىك دەمالىس كۇندەرىنە بايلانىستى باعدارلاما اياسىندا جاڭا وتىنىمدەر قابىلدانبايدى.
«وتباسى بانك»: 600 مىڭعا جۋىق ادام مەملەكەتتىك سىياقى الدى
«قارجى ۇيىمى ازاماتتارعا ءوتىنىش بەرۋدى الدىن الا جوسپارلاپ, ونى جۇمىس كۇندەرى راسىمدەۋگە كەڭەس بەرەدى. بۇل اسىرەسە باعدارلامامەن العاش رەت قاتىساتىن ازاماتتار ءۇشىن ماڭىزدى. ءوتىنىشتى دۇرىس ءارى تەز تولتىرۋ ءۇشىن ارنايى نۇسقاۋلىق دايىندالعان. وندا باعدارلاماعا قاتىسۋ ءتارتىبى مەن ءوتىنىم بەرۋ كەزەڭدەرى ەكجەي-تەكجەيلى كورسەتىلگەن», دەلىنگەن «وتباسى بانك» تاراتقان حابارلامادا.
«ناۋرىز» باعدارلاماسىن قارجىلاندىرۋ ارقىلى قالاي تابىس تابۋعا بولادى؟
ال باعدارلاماعا قاتىسۋعا وتىنىشتەردى Baspana Market جىلجىمايتىن م ۇلىك پورتالى ارقىلى جۇمىس كۇندەرى 9:00-دەن 21:00-گە دەيىن بەرۋگە بولادى.
ەسكە سالا كەتەيىك, «ناۋرىز» – پايىزدىق مولشەرلەمەسى 7-9% ارالىعىندا بەكىتىلگەن يپوتەكالىق باعدارلاما. جوبا ازاماتتاردى قولجەتىمدى باسپانامەن قامتۋعا باعىتتالعان. ءوتىنىم قابىلداۋ 31 ناۋرىزعا دەيىن جالعاسادى.