يران ورمۇز بۇعازى ارقىلى كەمە قاتىناسىن قايتا جانداندىرۋعا دايىن ەكەنىن مالىمدەدى. الايدا تەگەران بۇل ءۇشىن بىرقاتار ساياسي جانە ەكونوميكالىق تالاپتاردىڭ ورىندالۋىن شارت رەتىندە العا تارتىپ وتىر. بۇل تۋرالى يراندىق Tasnim اگەنتتىگى حابارلادى, دەپ جازادى Egemen.kz.
حابارلامادا: «ورمۇز بۇعازىنىڭ جۇمىسىن قايتا جانداندىرۋ سانكتسيالاردى كەپىلدى تۇردە الىپ تاستاۋ, امەريكالىق بازالاردى جابۋ, بۇعاتتالعان يراندىق اكتيۆتەردى قايتارۋ جانە دوللاردان وزگە ۆاليۋتالاردا ساۋدانى دامىتۋ سياقتى الدىن الا شارتتارعا بايلانىستى», دەلىنگەن.
يران ورمۇز بۇعازىنا مينالار ورناتا باستادى
بۇعان دەيىن تەگەران اقش پەن ءيزرايلدىڭ يرانعا قارسى وپەراتسياسىنا قاتىسپاعان ەلدەردىڭ كەيبىر كەمەلەرىنە بۇعاز ارقىلى وتۋگە رۇقسات بەرگەنىن مالىمدەگەن ەدى. يران سىرتقى ىستەر مينيسترلىگىنىڭ وكىلى يسمايل باگاي بۇعاز تولىق جابىلماعانىن, الايدا كەمە قاتىناسى بەلگىلى ءبىر شارتتارمەن جۇزەگە اسىپ جاتقانىن اتاپ ءوتتى. دەگەنمەن ول بۇل تالاپتاردىڭ مازمۇنىن ناقتىلامادى.
سونىمەن قاتار جوعارى لاۋازىمدى يراندىق شەنەۋنىك CNN تەلەارناسىنا بەرگەن سۇحباتىندا تەگەران مۇناي تاسىمالداۋشى تانكەرلەردىڭ بۇعاز ارقىلى شەكتەۋلى ءوتۋ مۇمكىندىگىن قاراستىرىپ وتىرعانىن ايتتى. ونىڭ سوزىنشە, مۇنداي جاعدايدا جۇك قىتاي يۋانىمەن ساۋدالانۋى ءتيىس. ال يراننىڭ يسلام رەۆوليۋتسياسى ساقشىلارى كورپۋسى اقش پەن يزرايل ەلشىلەرىن شىعارۋ تالاپتارىنىڭ دا قويىلعانىن بۇرىن مالىمدەگەن.
Aramco باسشىسى ورمۇز بۇعازىنىڭ بۇعاتتالۋى سالدارىنان الەمدىك نارىقتا اپات بولۋى مۇمكىن ەكەنىن ەسكەرتتى
ورمۇز بۇعازى ارقىلى الەمدىك مۇنايدىڭ شامامەن 20 پايىزى جانە سۇيىتىلعان تابيعي گاز جەتكىزىلىمىنىڭ 30 پايىزى وتەدى. سوندىقتان ول جاھاندىق ەنەرگەتيكانىڭ نەگىزگى كۇرەتامىرى سانالادى.
اقش پەن ءيزرايلدىڭ يرانعا قارسى اسكەري وپەراتسياسى باستالعاننان كەيىن تەگەران بۇعازداعى كەمە قوزعالىسىن ءىس جۇزىندە شەكتەدى. سونىڭ سالدارىنان الەمدىك نارىقتا ەنەرگيا تاسىمالداۋشىلاردىڭ باعاسى كۇرت ءوستى. پارسى شىعاناعىنان شىعاتىن وتىن تاسىمالى قيىنداپ, بىرقاتار مۇناي كومپانياسى فورس-ماجور جاريالاۋعا ءماجبۇر بولدى.
ورمۇز بۇعازىنىڭ بۇعاتتالۋى الەمدە قانداي تاۋەكەلدەر تۋدىرادى؟