2026 جىلعى 16 ناۋرىز كۇنى استانا قالاسىندا قازاقستاننىڭ «بايتاق» جاسىلدار پارتياسىنىڭ ساياسي كەڭەسىنىڭ وتىرىسى ءوتتى. بۇل – جاڭا كونستيتۋتسيا بويىنشا وتكەن رەفەرەندۋمنان كەيىن ۇيىمداستىرىلعان العاشقى ماڭىزدى جيىن. وتىرىسقا ساياسي كەڭەستىڭ 19 مۇشەسى, پارتيانىڭ وڭىرلىك فيليالدارىنىڭ 20 جەتەكشىسى جانە 26 ءماسليحات دەپۋتاتتارى قاتىستى. سونىمەن قاتار ەلىمىزدىڭ بارلىق وڭىرلەرىنەن اۋداندىق فيليالداردىڭ باسشىلارى باقىلاۋشى رەتىندە ونلاين فورماتتا قوسىلدى, دەپ حابارلايدى Egemen.kz.
جيىندى پارتيا توراعاسى ازاماتحان امىرتاەۆ اشىپ, رەفەرەندۋمنىڭ باستى ناتيجەسىنە توقتالدى. ونىڭ ايتۋىنشا, «بايتاق» پارتياسى استانادان باستاپ ەڭ شالعاي وڭىرلىك بولىمشەلەرگە دەيىن جاڭا كونستيتۋتسيانى ءبىراۋىزدان قولداپ داۋىس بەرگەن. بۇل – پارتيا مۇشەلەرىنىڭ ورتاق ۇستانىمى مەن ەل بولاشاعىنا دەگەن جاۋاپكەرشىلىگىنىڭ ايقىن كورىنىسى.
«AMANAT» پارتياسىندا رەفەرەندۋم بارىسىندا جۇرگىزىلگەن قوعامدىق باقىلاۋ جۇمىسى قورىتىندىلاندى
«بايتاق» – ەكولوگيانى جاي ۇران ەمەس, ناقتى ساياسي باعدارلاما رەتىندە ۇستانعان پارتيا. سوندىقتان قورشاعان ورتانى قورعاۋدى العاش رەت كونستيتۋتسيالىق قاعيدات ءارى ءار ازاماتتىڭ مىندەتى رەتىندە بەكىتكەن جاڭا كونستيتۋتسيانىڭ قابىلدانۋى پارتيا ءۇشىن سانالى ءارى ءبىرتۇتاس شەشىم بولدى.
پارتيا توراعاسى ازاماتحان امىرتاەۆ ءوز سوزىندە جاڭا مەملەكەتتىك مەرەكەنىڭ ماڭىزدىلىعىنا دا توقتالدى.
«ەندى 15 ناۋرىز – رەفەرەندۋم وتكەن كۇن قازاقستان رەسپۋبليكاسىنىڭ كونستيتۋتسيا كۇنى بولىپ جاريالاندى. بۇعان دەيىن 30 تامىزدا اتالىپ كەلگەن مەرەكە تاريح بەتىندە قالدى. بۇل – تەرەڭ سيمۆولدىق ءمانى بار شەشىم. جاڭا كونستيتۋتسيا مۇراعاتتىڭ تىنىش بولمەلەرىندە ەمەس, بۇكىل حالىق كەلىپ ءوز تاڭداۋىن جاساعان كۇنى دۇنيەگە كەلدى. بۇل – ەل بولىپ بىرگە قالىپتاستىرعان مەرەكە», دەدى ول.
ءسوز سوڭىندا پارتيا توراعاسى جاڭا كەزەڭنىڭ جاۋاپكەرشىلىگىن اتاپ ءوتتى.
«كونستيتۋتسيا ەلىمىزدىڭ دامۋىنا بەرىك قۇقىقتىق ىرگەتاس قالادى. ەندىگى مىندەت – سول نەگىزدى ناقتى زاڭنامامەن تولىقتىرىپ, ونى ومىردە جۇزەگە اسىراتىن پارمەندى تەتىكتەر قالىپتاستىرۋ», دەدى ازاماتحان امىرتاەۆ ساياسي كەڭەس وتىرىسىنىڭ قورىتىندىسىندا.
جيىن بارىسىندا رەفەرەندۋم الدىنداعى كەزەڭدە اتقارىلعان جۇمىستاردىڭ قورىتىندىسى شىعارىلدى. داۋىس بەرۋگە دايىندىق كەزىندە پارتيا ەلىمىزدىڭ بارلىق وڭىرىندە 500-دەن استام كەزدەسۋ, پىكىرتالاس جانە اقپاراتتىق-ءتۇسىندىرۋ ءىس-شارالارىن ۇيىمداستىردى. ونلاين بايلانىسقا شىققان وڭىرلىك فيليال باسشىلارى جەرگىلىكتى جەرلەردە پارتيا مۇشەلەرىنىڭ داۋىس بەرۋ پروتسەسىنە بەلسەندى قاتىسقانى جونىندە باياندادى. تالقىلاۋ قورىتىندىسى بويىنشا پارتيا الداعى كەزەڭدەگى جۇمىس باسىمدىقتارىن ايقىندادى. اتاپ ايتقاندا, جاڭا كونستيتۋتسيادا بەكىتىلگەن ەكولوگيالىق نورمالاردى ناقتىلايتىن زاڭ جوبالارىن ازىرلەۋ جانە قوعامدىق باقىلاۋدى كۇشەيتۋ نەگىزگى باعىتتاردىڭ ءبىرى رەتىندە بەلگىلەندى.
تاۋەلسىز باقىلاۋشىلار: بيۋللەتەندەردى سۋرەتكە ءتۇسىرىپ, ينتەرنەتكە جاريالاعاندار بولدى