جامبىل وبلىسىنداعى اسكەري بولىمدەردىڭ بىرىندە قايعىلى جاعداي تىركەلدى. الەۋمەتتىك جەلىلەردە تاراعان مالىمەتكە سايكەس, 15 ناۋرىز كۇنى قاراۋىلدىڭ ءۇشىنشى بەكەتىندە ۆەدومستۆولىق كۇزەت قىزمەتكەرى كارابيننەن ابايسىزدا وق اتىپ, قاراۋىل باستىعىن جارالاعان, دەپ جازادى Egemen.kz
الدىن الا مالىمەت بويىنشا, ەكى ازامات مەرزىمدى اسكەري قىزمەتشى ەمەس, ۆەدومستۆولىق كۇزەتتىڭ ازاماتتىق جالدامالى قىزمەتكەرلەرى بولعان. وق ءتيىپ اۋىر جارالانعان قاراۋىل باستىعى دەرەۋ اسكەري گوسپيتالعا جەتكىزىلگەنىمەن, دارىگەرلەر ونىڭ ءومىرىن ساقتاپ قالا المادى.
اباي وبلىسىندا اسكەري قىزمەتشى قازا تاپتى
وقيعاعا بايلانىستى ىشكى ىستەر مينيسترلىگىنىڭ اسكەري-تەرگەۋ دەپارتامەنتى قىلمىستىق ءىس بويىنشا سوتقا دەيىنگى تەرگەۋ باستالعانىن حابارلادى. ۆەدومستۆو مالىمەتىنشە, قايعىلى جاعدايدىڭ ناقتى سەبەپتەرى تەرگەۋ ارەكەتتەرى مەن پروتسەسسۋالدىق شارالار بارىسىندا انىقتالادى.
اقتاۋدا مەرزىمدى اسكەري قىزمەتشى قازا تاپتى
ەسكە سالا كەتەيىك, بۇعان دەيىن اتىراۋ گارنيزونىنداعى اسكەري بولىمدەردىڭ بىرىندە جوسپارلى دالالىق اتىس جاتتىعۋلارى كەزىندە مەرزىمدى قىزمەتتەگى سارباز قايتىس بولعان ەدى.