ورمۇز بۇعازىنىڭ جابىلۋى الەمدە اشتىق قاۋپىن تۋعىزۋى مۇمكىن. بۇل بۇعاز اۋماعىندا بيداي نەمەسە كۇرىش تيەگەن كەمەلەردىڭ بوگەلۋىنە عانا بايلانىستى ەمەس. بۇعازدىڭ بۇعاتتالۋى گاز باعاسىنىڭ كۇرت وسۋىنە اكەلدى. گاز – ازوت تىڭايتقىشتارى مەن كارباميد ءوندىرىسىنىڭ نەگىزگى شيكىزاتى. گاز باعاسىنىڭ كوتەرىلۋى تىڭايتقىش ءوندىرىسىن ءتيىمسىز ەتەدى, ءتىپتى ەگىس ناۋقانىنىڭ الدىندا كوپتەگەن زاۋىتتار جابىلۋعا ءماجبۇر بولىپ وتىر.
وسىنىڭ ناتيجەسىندە, الەمدە كارباميد باعاسى 40%-عا ءوستى, ال وندىرىلگەن تىڭايتقىشتىڭ جارتىسى ورمۇز بۇعازىندا بوگەلىپ قالدى.
وڭتۇستىك جانە وڭتۇستىك-شىعىس ازيا ەلدەرى, افريكا, وڭتۇستىك ساحارادان لاتىن امەريكاسىنا دەيىنگى ەنەرگيا تاسىمالدايتىن جانە تىڭايتقىش يمپورتتايتىن ەلدەر كۇردەلى جاعدايعا تاپ بولدى. اۋىل شارۋاشىلىعىنا ارنالعان جانارمايدىڭ باعاسى ءوسىپ, تىڭايتقىشقا قولجەتىمدىلىك قىسقاردى.
ازوت تىڭايتقىشتارى الەمدەگى ازىق-ت ۇلىكتىڭ شامامەن جارتىسىن وندىرۋگە جاۋاپ بەرەدى جانە ولاردىڭ جەتىسپەۋشىلىگى بىردەن بىرنەشە كونتينەنتتەگى ەگىن ونىمدەرىنە اسەر ەتۋى مۇمكىن. ويتكەنى, ورمۇز بۇعازى – الەمدىك نەگىزگى تىڭايتقىشتار مەن شيكىزات ەكسپورتىنىڭ جارتىسىنا جۋىعى وتەتىن ماڭىزدى كولىك ءدالىزى.
Aramco باسشىسى ورمۇز بۇعازىنىڭ بۇعاتتالۋى سالدارىنان الەمدىك نارىقتا اپات بولۋى مۇمكىن ەكەنىن ەسكەرتتى
ورمۇز بۇعازى ارقىلى ەكسپورتتالاتىن ونىمدەرگە توقتالساق, اممياك الەمدىك كولەمنىڭ 21%-ىن قۇرايدى. ال كارباميد ۇشتەن ءبىرىن الىپ وتىر. كۇردەلى كۇكىرت ەكسپورتىندا جاھاندىق ساۋدا اعىنىنىڭ شامامەن 46%-ى وسى بۇعاز ارقىلى وتەدى. نەگىزگى جەتكىزۋ باعىتتارى ازيا-تىنىق مۇحيتى ايماعى. سول ايماققا جەتكىزىلەتىن كارباميدتىڭ كولەمى 48%-عا, اممياك – 71%-عا, ال كۇردەلى كۇكىرت – 70%-عا تيەسىلى. بۇل كورسەتكىشتەر ورمۇز بۇعازىنىڭ الەمدىك تىڭايتقىشتار مەن نەگىزگى شيكىزات ەكسپورتى ءۇشىن قانشالىقتى ماڭىزدى ەكەنىن ايقىن كورسەتەدى.
تىڭايتقىشتاردىڭ جارتىسى اۋىل شارۋاشىلىعى وندىرۋشىلەرىنە جەتپەيدى, ال الەمدە ازىق-ت ۇلىك باعاسى كۇرت ءوسىپ, داعدارىس قاۋپى تۋىندايدى.
يران ورمۇز بۇعازىنا مينالار ورناتا باستادى
ەۋروپالىق وداق – تىڭايتقىشتىڭ ءىرى تۇتىنۋشىسى. قاتار, باحرەين, كۋۆەيت جانە ساۋد ارابياسى – يمپورتتىق ازىق-ت ۇلىككە قاتتى تاۋەلدى. ءۇندىستان, بانگلادەش, تايلاند, يندونەزيا جانە افريكا ەلدەرى – تىڭايتقىشسىز حالىقتارىنا قاجەتتى ازىق-ت ۇلىكتىڭ كولەمىن وندىرە المايدى.
سوندىقتان ورمۇز بۇعازىنىڭ جابىلۋى حالىقارالىق دەڭگەيدە شۇعىل شارالاردى قاجەت ەتەدى. سەبەبى بۇل تەك كەيبىر ەلدەردىڭ عانا ەمەس, بۇكىل الەمدىك ازىق-ت ۇلىك قاۋىپسىزدىگىنە اسەر ەتۋى مۇمكىن.