16 ناۋرىزدا الماتىدا «قايرات» جانە «اقتوبە» كلۋبتارى اراسىندا ماتچ وتەدى. وسىعان وراي قالالىق پوليتسيا جانكۇيەرلەرگە قاۋىپسىزدىك ەرەجەلەرىن قاتاڭ ساقتاۋدى ەسكەرتتى, دەپ حابارلايدى Egemen.kz.
ستاديون مەن ونىڭ ماڭىنداعى اۋماقتا قاۋىپسىزدىكتى قامتاماسىز ەتۋ ءۇشىن قوسىمشا كۇشتەر جۇمىلدىرىلادى. الماتى پوليتسيا دەپارتامەنتىنىڭ باسشىسى ايدىن كابدۋلدينوۆ جانكۇيەرلەرگە ستاديوندا ءتارتىپ ساقتاۋ كەرەكتىگىن ەسكە سالدى.
«كەيدە ادامدار سۇيىكتى كومانداسىنا جانكۇيەرلىك ەتەمىن دەپ, ارتىق كەتىپ جاتاتىن كەزدەرى بولادى. مۇندايدا زاڭ مەن قوعامدىق ءتارتىپ شەڭبەرىنەن شىقپاۋ كەرەك. اگرەسسيا, پروۆوكاتسيالار, قورلاۋ, ارسىز سوزدەر, بۇزاقىلىق جانە تىيىم سالىنعان زاتتاردى قولدانۋعا مۇلدەم بولمايدى. بۇنداي جاعدايدا پوليتسيا دەرەۋ ارەكەت ەتەدى. بارلىق قۇقىق بۇزۋشىلار انىقتالادى, ءار فاكت قۇقىقتىق باعاسىن الادى», دەدى ايدىن كابدۋلدينوۆ.
ماتچ قازاقستان پرەمەر-ليگاسىنىڭ ەكىنشى تۋرى اياسىندا وتەدى. ويىن ساعات 19:00-دە باستالادى.
دروندار الماتى پوليتسياسىنا قالاي كومەكتەسەدى؟