«قازگيدرومەت» 16 ناۋرىزدا قازاقستاننىڭ 13 وڭىرىندە قولايسىز مەتەورولوگيالىق جاعداي كۇتىلەتىنىن حابارلادى. ەلوردادا تۇندە جانە تاڭەرتەڭ تۇمان ءتۇسۋى ىقتيمال, دەپ حابارلادى Egemen.kz.
اباي وبلىسىندا تۇندە جانە تاڭەرتەڭ وبلىستىڭ باتىسى, سولتۇستىگى مەن ورتالىعىندا قار جاۋىپ, جاياۋ بۇرقاسىن سوعادى, كوكتايعاق بولۋى مۇمكىن. كەي جەرلەردە تۇمان تۇسەدى. جەل سولتۇستىك-باتىستان سوعىپ, كەيىن سولتۇستىك-شىعىسقا اۋىسادى. كۇندىز وبلىستىڭ وڭتۇستىك-باتىسىندا جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.
اقتوبە وبلىسىنىڭ سولتۇستىگى مەن شىعىسىندا تۇمان كۇتىلەدى. جەل وڭتۇستىك-شىعىستان سوعىپ, كۇندىز باتىس پەن وڭتۇستىكتە سولتۇستىك-شىعىسقا اۋىسادى, ەكپىنى 15 م/س-قا دەيىن جەتەدى.
اقمولا وبلىسىنىڭ باتىسى, سولتۇستىگى جانە وڭتۇستىگىندە تۇمان ءتۇسىپ, جولداردا كوكتايعاق بولۋى مۇمكىن.
اتىراۋ وبلىسىنىڭ شىعىسىندا تۇندە جانە تاڭەرتەڭ تۇمان كۇتىلەدى. سونىمەن قاتار وبلىستىڭ باتىسى, وڭتۇستىگى جانە شىعىسىندا شاڭدى داۋىل بولۋى ىقتيمال. جەل شىعىس جانە وڭتۇستىك-شىعىس باعىتتان سوعىپ, ەكپىنى 15-20 م/س-قا دەيىن كۇشەيەدى.
شىعىس قازاقستان وبلىسىنىڭ سولتۇستىگىندە تۇندە جانە تاڭەرتەڭ قار جاۋىپ, جاياۋ بۇرقاسىن سوعادى, كوكتايعاق بولادى. كەي جەرلەردە تۇمان ءتۇسۋى مۇمكىن.
جامبىل وبلىسىنىڭ وڭتۇستىگى مەن تاۋلى ايماقتارىندا تۇمان كۇتىلەدى. جەل سولتۇستىك-شىعىستان سوعىپ, وبلىستىڭ وڭتۇستىك-باتىسىندا, سولتۇستىك-شىعىسىندا جانە تاۋلى وڭىرلەرىندە 15-20 م/س, كۇندىز كەي جەرلەردە 23 م/س-قا دەيىن كۇشەيەدى.
باتىس قازاقستان وبلىسىنىڭ باتىسى, سولتۇستىگى جانە وڭتۇستىگىندە تۇمان بولادى. جەل شىعىس جانە وڭتۇستىك-شىعىستان سوعىپ, كەي جەرلەردە 15-20 م/س جىلدامدىقپەن كۇشەيەدى.
قوستاناي وبلىسىندا تۇمان كۇتىلەدى.
ناۋرىز ايىندا اۋا رايى قانداي بولادى؟
قىزىلوردا وبلىسىنىڭ سولتۇستىگىندە تۇمان تۇسەدى. جەل سولتۇستىك-شىعىس جانە شىعىس باعىتتان سوعىپ, كۇندىز ورتالىق جانە شىعىس بولىگىندە 15-20 م/س-قا دەيىن كۇشەيۋى مۇمكىن.
ماڭعىستاۋ وبلىسىنىڭ سولتۇستىگى, وڭتۇستىگى جانە ورتالىعىندا شاڭدى داۋىل بولجانىپ وتىر. جەل وڭتۇستىك-شىعىستان سوعىپ, ەكپىنى 15-20 م/س, كۇندىز كەي ۋاقىتتاردا 23 م/س-قا دەيىن جەتەدى.
پاۆلودار وبلىسىنىڭ وڭتۇستىگى مەن شىعىسىندا تۇندە كوكتايعاق بولادى. وبلىستىڭ باتىسى, وڭتۇستىگى جانە شىعىسىندا تۇمان كۇتىلەدى.
بولجامدار ناقتىلانا تۇسپەك: «قازگيدرومەت» سۋپەركومپيۋتەردى پايدالانا باستادى
سولتۇستىك قازاقستان وبلىسىنىڭ باتىسى, سولتۇستىگى جانە وڭتۇستىگىندە تۇمان ءتۇسۋى مۇمكىن.
تۇركىستان وبلىسىنىڭ باتىسى, سولتۇستىگى, وڭتۇستىگى جانە تاۋلى اۋداندارىندا تۇمان كۇتىلەدى. جەل سولتۇستىك-شىعىستان سوعىپ, كەي جەرلەردە 15-20 م/س-قا دەيىن كۇشەيەدى.