الماتى تۇرعىندارى رەسپۋبليكالىق رەفەرەندۋمدا سوڭعى بەس جىلداعى ەڭ جوعارى داۋىس بەرۋ بەلسەندىلىگىن كورسەتتى. ورتالىق سايلاۋ كوميسسياسىنىڭ الدىن الا مالىمەتىنە سايكەس, قالاداعى سايلاۋشىلاردىڭ قاتىسۋ كورسەتكىشى 33,43 پايىزدى قۇرادى. بۇل 2020 جىلدان بەرى وتكىزىلگەن رەفەرەندۋمدارمەن سالىستىرعاندا جوعارى ناتيجە بولىپ وتىر, دەپ حابارلايدى Egemen.kz.
قازاقستاننىڭ جاڭا كونستيتۋتسياسىن قابىلداۋعا ارنالعان رەفەرەندۋم اياقتالدى. الماتىدا تاڭەرتەڭنەن باستاپ قالا تۇرعىندارى داۋىس بەرۋگە بەلسەندى قاتىسىپ, بۇل ناۋقانعا ۇلكەن قىزىعۋشىلىق تانىتتى. كوپتەگەن سايلاۋ ۋچاسكەسىندە كەلۋشىلەردى مۋزىكامەن جانە ءتۇرلى شاعىن كورىنىستەرمەن قارسى الىپ, مەرەكەلىك اتموسفەرا قالىپتاستى.
الماتى قالالىق وكق مالىمەتىنشە, قالادا تاڭعى ساعات 07:00-دەن باستاپ 653 داۋىس بەرۋ ۋچاسكەسى جۇمىس ىستەدى. ۋچاسكەلەر اشىلعان العاشقى ساعاتتاردىڭ وزىندە-اق داۋىس بەرگىسى كەلگەن ازاماتتاردىڭ كەزەگى بايقالدى.
رەفەرەندۋمدا داۋىس بەرگەندەر سانى 9 ميلليوننان استى
جالپى العاندا, داۋىس بەرۋ بارىسى تىنىش ءارى ۇيىمداسقان جاعدايدا ءوتتى. ءارتۇرلى قوعامدىق ۇيىمداردىڭ باقىلاۋشىلارى ەشقانداي زاڭبۇزۋشىلىقتار تىركەلمەگەنىن حابارلادى.
ءىىم: رەفەرەندۋم ۋچاسكەلەرىندە قوعامدىق ءتارتىپ بۇزىلعان جوق