اقش, سالىق جانە ينۆەستيتسيالار جونىندەگى حالىقارالىق ورتالىقتىڭ (اقش) وكىلى ۋەسلي الەكساندەر حيلل رەفەرەندۋم بارىسىن باقىلاۋ ءۇشىن ادەيى اۋىلدىق ەلدى مەكەندەردى تاڭداعانىن ايتتى, دەپ حابارلايدى Egemen.kz.
بايقاۋشى سايلاۋ ۋچاسكەلەرى قىزمەتكەرلەرىنىڭ دايىندىعى جوعارى دەڭگەيدە ەكەنىنە, سونداي-اق ازاماتتىق قوعام مەن ساياسي پارتيا وكىلدەرىنىڭ بەلسەندىلىگىنە ەرەكشە نازار اۋداردى.
ء«بىزدىڭ تاجىريبەمىزگە سۇيەنىپ جانە وسى رەفەرەندۋمدى الدىڭعى داۋىس بەرۋلەرمەن سالىستىرساق, دەموگرافيالىق وزگەرىستەرگە بايلانىستى العاش رەت داۋىس بەرگەن ادامدار سانى كوبىرەك بولدى. ياعني كوپتەگەن ادامدار العاش رەت تەك 18 جاسقا تولعاندىقتان عانا ەمەس, سونىمەن قاتار ناقتى داۋىس بەرۋگە مۇمكىندىك العاندىقتان دا داۋىس بەردى. قازىرگى ۋاقىتتاعى نەگىزگى ستاتيستيكالىق كورسەتكىشتەر وسى», دەدى سپيكەر
حالىقارالىق بايقاۋشىلارعا قولعابىس كورسەتۋ ورتالىعىندا وتكەن ءباسپاسوز كونفەرەنتسياسىندا.
ءوز كەزەگىندە امەريكا-ەۋرازيا ورتالىعىنىڭ ۆيتسە-پرەزيدەنتى رالف ۆينني التى سايلاۋ ۋچاسكەسىنە بارعانىن ايتتى.
«داۋىس بەرۋ ۋچاسكەلەرىنەن شىققان ادامدارمەن اڭگىمەلەسۋ وتە قىزىقتى بولدى. ولاردىڭ نە ويلايتىنىن تۇسىنگىم كەلدى. كوپشىلىگى قازاقستاننىڭ بولاشاعى ءۇشىن داۋىس بەرگەنىن ايتتى. تەك ءوز بولاشاعى ءۇشىن عانا ەمەس, ارينە, بۇل دا ماڭىزدى, بىراق ولار بالالارى مەن نەمەرەلەرىنىڭ بولاشاعى ءۇشىن داۋىس بەرگەنىن جەتكىزدى», دەدى سپيكەر.