«رەفەرەندۋم – 2026» ونلاين-مارافونى اياسىندا ورتالىق كوممۋنيكاتسيالار قىزمەتى الاڭىندا وتكەن بريفينگ بارىسىندا «داۋىس» قوعامدىق بايقاۋشىلار كواليتسياسىنىڭ توراعاسى تولەگەن قۇنادىلوۆ جاڭا كونستيتۋتسيانى قابىلداۋ جونىندەگى رەفەرەندۋمدا وڭىرلەردەگى داۋىس بەرۋ بارىسىن باقىلاۋ تۋرالى ايتىپ بەردى, دەپ حابارلايدى Egemen.kz.
ونىڭ مالىمەتىنشە, بۇل ناۋقانعا وڭىرلەردەگى 9779 اشىق داۋىس بەرۋ ۋچاسكەسىنە وسى ءۇردىستىڭ ماڭىزدىلىعىن تۇسىنەتىن, بايقاۋشى رەتىندە ءوز قۇقىقتارى مەن مىندەتتەرىن ناقتى سەزىنەتىن, جاۋاپكەرشىلىگى جوعارى ءارى تاجىريبەلى ادامدار جىبەرىلگەن.
ء«بىزدىڭ بايقاۋشىلارىمىز بۇگىن تاڭعى ساعات 06:00-دەن باستاپ بارلىق اشىق داۋىس بەرۋ ۋچاسكەلەرىندە ءوز جۇمىسىن باستاپ, قورىتىندى حاتتاما الىنعانعا دەيىن سوندا بولادى. وڭىرلەردە احۋالدىق ورتالىقتار اشىلدى. ناقتى ۋاقىت رەجيمىندە ءاربىر ۋچاسكەدەگى جاعدايدان حاباردارمىز. كۇنى بويى بايقاۋشىلارىمىزدان كەلىپ تۇسكەن اقپاراتقا سايكەس, بارلىعى زاڭ شەڭبەرىندە وتۋدە. رەفەرەندۋم كوميسسياسىنىڭ نەمەسە باسقا قاتىسۋشىلاردىڭ جۇمىسى بويىنشا ەشقانداي ەسكەرتپە جوق. بارلىق داۋىس بەرۋ ۋچاسكەلەرى جابىلعاننان كەيىن بايقاۋشىلارىمىز داۋىستار مەن بيۋللەتەندەردى ساناۋ پروتسەسىنە تولىققاندى قاتىسادى», دەدى سپيكەر.