قازىرگى ۋاقىتتا پروكۋراتۋرا ورگاندارىندا جانە سوتتارعا رەفەرەندۋمعا قاتىستى وتىنىشتەر تۇسكەن جوق. باس پروكۋراتۋرا جانە بارلىق وڭىرلەردىڭ پروكۋراتۋراسى رەفەرەندۋم وتكىزۋدىڭ زاڭدىلىعىن قامتاماسىز ەتۋدى جالعاستىرىپ جاتىر. بۇل تۋرالى ورتالىق كوممۋنيكاتسيالار قىزمەتى الاڭىندا قوعامدىق مۇددەلەردى قورعاۋ قىزمەتى باسقارماسىنىڭ باسشىسى بەكجان قارامانوۆ مالىمدەدى, دەپ جازادى Egemen.kz.
«بۇگىن قاراعاندى وبلىسىندا ونلاين پلاتفورمادا قوعامدىق پىكىرگە زاڭسىز ساۋال سالىپ, ۇگىت جۇرگىزگەن ءبىر جاعداي انىقتالدى. تۇسىندىرمە جۇمىسىنان كەيىن ول زاڭسىز جازبالارىن ءوشىرىپ, كىناسىن مويىندادى. سوندىقتان وعان قىسقارتىلعان ءتارتىپ نەگىزىندە ايىپپۇل سالىندى. پروكۋراتۋرا ورگاندارىم وسى سياقتى جاعدايلار, ونىڭ ىشىندە بيۋللەتەندەردىڭ فوتوسۋرەتتەرىن ونلاين پلاتفورمالارعا قويۋ بارىسى تىركەلىپ جاتقانىنا دا نازار اۋدارادى. وسى ارەكەتتەردە قۇقىق بۇزۋشىلىق قۇرامىنىڭ بار ەكەنى راستالعان جاعدايدا زاڭدا بەلگىلەنگەن شارالار قابىلدانادى», دەدى بەكجان قارامانوۆ.
تمد باقىلاۋشىلار ميسسياسىنىڭ باسشىسى: قازاقستان جاستارى ەلەكتورالدىق ناۋقانعا بەلسەندى قاتىسىپ جاتىر
بۇعان دەيىن ىشكى ىستەر مينيسترلىگىنىڭ رەسمي وكىلى شىڭعىس الەكەشەۆ رەفەرەندۋم قاۋىپسىزدىگىن ساقتاۋ ءۇشىن پوليتسيا كۇشەيتىلگەن رەجيمدە جۇمىس ىستەپ جاتقانىن حابارلاعان.