جاڭا كونستيتۋتسيا جوباسى بويىنشا رەسپۋبليكالىق رەفەرەندۋمدا داۋىس بەرۋ جالعاسىپ جاتىر. جازۋشىلار, اكتەرلەر, انشىلەر جانە ونەر سالاسىنىڭ باسقا دا قايراتكەرلەرى رەفەرەندۋمدا داۋىس بەردى, دەپ حابارلايدى Egemen.kz.
ولاردىڭ قاتارىندا قوعام قايراتكەرى, كومپوزيتور التىنبەك قورازباەۆ, اكتەر ەرلان مالاەۆ, ونەر يەسى ەربولات تولەگەن, سونداي-اق تەاتر اكتەرى جومارت زەينابىل بار.
ۆاشينگتون, نيۋ-يورك, وتتاۆا قالالارىندا رەفەرەندۋم ۋچاسكەلەرى اشىلدى
ەسكە سالا كەتەيىك, قازاقستاننىڭ حالىق ءارتىسى روزا رىمباەۆا العاشقىلاردىڭ ءبىرى بولىپ ەل بولاشاعى ءۇشىن ءوز تاڭداۋىن جاسادى. ءانشى رەفەرەندۋمنىڭ ماڭىزدىلىعىن اتاپ ءوتىپ, ازاماتتاردى بەلسەندى بولۋعا شاقىردى.
«15 ناۋرىز – ەلىمىز ءۇشىن ماڭىزدى كۇن. كەلىپ, ءوز تاڭداۋلارىڭىزدى جاساڭىزدار», دەدى ول.
سونىمەن قاتار ءوز ازاماتتىق ۇستانىمدارىن بەلگىلى اكتەرلەر وتباسى – ازات سەيتمەتوۆ پەن داناگۇل تەمىرسۇلتانوۆا, اكتەر تۇڭعىشباي ءال-تارازي, جازۋشى مۇرات دۇيسەنباەۆ, قازاقستاننىڭ حالىق ءارتىسى ايگۇل ۇلكەنباەۆا, قازاقستاننىڭ ەڭبەك سىڭىرگەن قايراتكەرى, ارتيست مارال اناربەك, سونداي-اق جازۋشى ءارى قوعام قايراتكەرى سماعۇل ەلۋباەۆ تا ءبىلدىردى.
جامبىل وبلىسىنىڭ اكىمى ەربول قاراشوكەەۆ ءوز تاڭداۋىن جاسادى
مادەنيەت جانە ونەر قايراتكەرلەرىنىڭ ايتۋىنشا, بۇل تەك زاڭ قابىلداۋ ءراسىمى عانا ەمەس, قوعامنىڭ دامۋىنا, ۇلتتىق قۇندىلىقتاردى نىعايتۋعا جانە مەملەكەتتىك ينستيتۋتتاردىڭ جاۋاپكەرشىلىگىن ارتتىرۋعا باعىتتالعان ماڭىزدى قادام. ونەر وكىلدەرى ءاربىر ازاماتتىڭ بەلسەندى قاتىسۋى ەلدىڭ بولاشاعىن بىرلەسىپ قالىپتاستىرۋدىڭ ماڭىزدى كورىنىسى ەكەنىن اتاپ ءوتتى.
«رەفەرەندۋم – 2026» ونلاين مارافونى: قاتىسۋشىلار قانداي تاقىرىپتاردى تالقىلادى؟