قوستاناي وبلىسىنىڭ تۇرعىندارى ۇلىستىڭ ۇلى كۇنى قارساڭىندا ءوتىپ جاتقان رەفەرەندۋمگە ەرەكشە ىقىلاسپەن قاتىسىپ جاتىر. وزدەرى تىركەلگەن ۋچاسكەگە بىرەۋلەر قىدىر اتا كەيپىندە كەلسە, كەيبىر ازاماتتار بالا-شاعاسىمەن بىرگە بۇكىل اۋلەتىمەن ۇلتتىق كيىممەن كەلىپ داۋىس بەرىپ كەتىپ جاتىر. وسىلايشا, ەل تاعدىرى تارازىعا تۇسكەن ماڭىزدى ساياسي ناۋقان كوپ جەردە مەرەكەلىك سيپات الىپ جاتىر دەسەك بولادى, دەپ جازادى Egemen.kz.
رەفەرەندۋم ۋچاسكەلەرىنىڭ 18 جاسقا جاڭا تولىپ بۇگىن ءبىرىنشى رەت داۋىس بەرگەن جاستارعا, ەرتە تۇرىپ ەلدەن بۇرىن كەلگەن ازاماتتارعا, تۋعان كۇن يەلەرىنە شاعىن سىي-سياپات كورسەتىپ جاتقانى دا كوڭىلگە قۋانىش ۇيالاتقانداي.
قوستانايلىق تۇرعىندار رەفەرەندۋمدا بەلسەندىلىك تانىتتى
مىسالى, بۇگىن №3 رەفەرەندۋم ۋچاسكەسىنە كەلگەن قوستاناي قالاسىنىڭ تۇرعىنى بورانگۇل ءجۇسىپوۆا ءوز تۋعان كۇنىندە داۋىس بەرىپ, شاعىن سىيلىققا يە بولدى. بۇگىن 69 جاسقا كەلگەن زەينەتكەر ءالى ەڭبەكتەن قول ۇزگەن جوق. وبلىس ورتالىعىنداعى №2 ەمحانادا كىشى سانيتار بولىپ جۇمىس ىستەيدى.
ء«ۇش بالام, ءۇش نەمەرەم بار. ءدال مەنىڭ تۋعان كۇنىمدە بۇكىل ەل بولىپ جاڭا كونستيتۋتسيا جوباسىن قابىلداۋ جونىندە تاڭداۋ جاساپ جاتقانىن جاقسى ىرىمعا جورىپ وتىرمىن. بۇگىن تاڭداۋ جاساپ جاتقان ءار ادامنىڭ داۋسى ەل بولاشاعى ءۇشىن ماڭىزدى دەپ سانايمىن», دەيدى تۋعان كۇن يەسى.
قوستاناي وبلىسى
وسكەمەن تۇرعىنى پاراپلانمەن كەلىپ داۋىس بەردى