مەملەكەت باسشىسى جاڭا كونستيتۋتسيا جوباسىنا قاتىستى رەفەرەندۋمدا داۋىس بەرگەننەن كەيىن جۋرناليستەرگە ارنالعان بريفينگ وتكىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
جۋرناليستەردىڭ ءبىرى الەمدىك تاجىريبەدە كونستيتۋتسيالىق رەفورما ۇزاق ۋاقىتقا سوزىلادى, ال بىزدە جاڭا كونستيتۋتسيانى دايىنداۋعا جانە تالقىلاۋعا از عانا ۋاقىت جۇمسالعانىن اتاپ ءوتتى. ونىڭ ايتۋىنشا, بۇعان حالىقارالىق بايقاۋشىلار نازار اۋدارىپ, سىنعا العان.
«بۇعان دەيىن ايتقانىمداي, كونستيتۋتسيا جوباسىن ازىرلەۋ جۇمىستارى ءبىراز ۋاقىتقا سوزىلدى. 2022 جىلى كونستيتۋتسياعا وزگەرىستەر ەنگىزىلگەنى وزدەرىڭىزگە ءمالىم. سول كەزدىڭ وزىندە جاڭا كونستيتۋتسيا قابىلداۋعا بولار ەدى. بىراق ءبىز ونداي قادامعا بارمادىق. دەگەنمەن جاڭا كونستيتۋتسيا قابىلداۋ تۋرالى يدەيا پايدا بولدى. شامامەن ەكى جىل بۇرىن ىسكە كىرىستىم. ەلىمىزگە جاڭا كونستيتۋتسيا قابىلداۋ كەرەك دەگەن ۇيعارىمعا كەلدىم. قازاقستان, ەڭ الدىمەن, زايىرلى مەملەكەت بولۋعا ءتيىس. بۇل كونستيتۋتسيا ەلىمىزدى ىلگەرىلەتەتىنىنە ەشقانداي كۇمانىم جوق. ءبىز كوشتەن قالماي, پروگرەستىڭ الدىڭعى شەبىندە ءجۇرۋىمىز كەرەك. وزىق ەل بولساق, باسقا مەملەكەتتەر بىزگە قۇرمەتپەن قارايدى. ەل تاعدىرى ءوز قولىمىزدا. سول ءۇشىن تاباندى ەڭبەك ەتۋ كەرەك. الدىمىزدا تۇرعان ەڭ ۇلكەن ماقسات – وسى», دەدى پرەزيدەنت.
پرەزيدەنت قاسىم-جومارت توقاەۆ رەسپۋبليكالىق رەفەرەندۋمدا داۋىس بەردى