تەكەلى قالاسىندا ماڭىزدى ساياسي ناۋقان – رەفەرەندۋم كۇنى تۇرعىنداردىڭ ءوز ازاماتتىق تاڭداۋىن ەركىن ءارى كەدەرگىسىز جاساۋىنا بارلىق مۇمكىندىك قاراستىرىلدى. سول يگى باستامالاردىڭ ءبىرى – قوعامدىق كولىكتىڭ بۇگىن تەگىن قىزمەت كورسەتۋى, دەپ جازادى Egemen.kz.
بۇگىن قالا ىشىندەگى بارلىق باعىتتا قاتىنايتىن اۆتوبۋستار تاڭعى ساعات 07:00-دەن كەشكى 19:00-گە دەيىن جولاۋشىلاردى اقىسىز تاسىمالداپ جاتىر. بۇل شارا تۇرعىنداردىڭ داۋىس بەرۋ ۋچاسكەلەرىنە ەش كەدەرگىسىز جەتۋىنە جاعداي جاساپ, ەل بولاشاعىنا قاتىستى تاڭداۋ جاساۋىنا قولايلى مۇمكىندىك بەرىپ جاتىر.
اسىرەسە, مۇنداي جەڭىلدىكتىڭ قالا شەتىندە تۇراتىن ازاماتتار, قارتتار مەن زەينەتكەرلەر, سونداي-اق كوپبالالى وتباسىلار ءۇشىن ماڭىزى ەرەكشە.
رەسپۋبليكا بويىنشا 4,6 ملن-نان استام ادام داۋىس بەردى
قوعامدىق كولىكتىڭ تەگىن ءجۇرۋى تۇرعىنداردىڭ بەلسەندىلىگىن ارتتىرىپ, داۋىس بەرۋ ۋچاسكەلەرىنە بارۋدى جەڭىلدەتتى. بۇل – حالىققا كورسەتىلگەن ناقتى الەۋمەتتىك قولداۋدىڭ ءبىر كورىنىسى.