رەفەرەندۋم: ەلىمىزدىڭ چەمپيوندارى ءوز تاڭداۋىن جاسادى

چەمپيوندار بىردەن-اق قاتىسۋشىلاردىڭ قىزىعۋشىلىعىن تۋدىردى: كوبىسى الەۋمەتتىك جەلىلەردە جاريالاۋ ءۇشىن سپورتشىلارمەن فوتوسۋرەتتەر مەن ۆيدەو تۇسىرۋگە كىرىسىپ كەتتى.

ايتا كەتەيىك, داۋىس بەرگەندەردىڭ قاتارىندا ۇلتتىق وليمپيادا كوميتەتىنىڭ پرەزيدەنتى, «World Boxing» ۇيىمىنىڭ باسشىسى گەننادي گولوۆكين دە بار. قازاقستاندىق بوكس جۇلدىزى قازىر بانگكوكتا. گەننادي گولوۆكين World Boxing Futures Cup 2026 حالىقارالىق تۋرنيرىنە قاتىسۋعا دايىندالىپ جاتىر.

سپورتشى قازاقستاننىڭ تايلاندتاعى ەلشىلىگى جانىنداعى № 421 رەفەرەندۋم ۋچاسكەسىندە ءوز تاڭداۋىن جاسادى. گەننادي گولوۆكين ازاماتتاردىڭ ەل ءۇشىن ماڭىزدى شەشىمدەر قابىلداۋعا قاتىسۋىنىڭ قاجەتتىلىگىن ايتىپ, مەملەكەتتى ودان ءارى دامىتۋ مەن نىعايتۋداعى رەسپۋبليكالىق رەفەرەندۋمنىڭ ءرولىن اتاپ ءوتتى.

رەفەرەندۋم كۇنى الماتىداعى ۋچاسكەلەردىڭ بىرىندە «اجەلەر حورى» ءان ايتتى

ەستەرىڭىزگە سالا كەتەيىك, بۇگىن بارلىق نازار جاڭا كونستيتۋتسيانى قابىلداۋ جونىندەگى رەسپۋبليكالىق رەفەرەندۋمعا اۋدارىلىپ وتىر. ۋچاسكەلەردە داۋىس بەرۋ تاڭعى 7-دەن باستالىپ, كەشكى 20:00-گە دەيىن جالعاسادى. وسك دەرەكتەرى بويىنشا تىزىمگە 12 461 796 ازامات ەنگىزىلگەن. جالپى ۋچاسكەلىك كوميسسيالار ازاماتتاردىڭ جازباشا وتىنىشتەرى بويىنشا داۋىس بەرۋ قۇقىعىنا 17 514 ەسەپتەن شىعارۋ كۋالىگىن بەردى. ەلىمىز بويىنشا داۋىس بەرۋ ءۇشىن بارلىعى 10 388 ۋچاسكە اشىلدى. ونىڭ ىشىندە قازاقستان رەسپۋبليكاسىنىڭ شەت مەملەكەتتەردەگى وكىلدىكتەرى جانىنان 54 ەلدە 71 ۋچاسكە جۇمىس ىستەپ تۇر.

جەتىسۋدا 105 جاستاعى اجە العاشقىلاردىڭ قاتارىندا داۋىس بەردى

رەفەرەندۋم كۇنى اتىراۋدا ەكى بىردەي ۇشەم دۇنيەگە كەلدى