الماتى قالاسىنداعى اباي ۇلتتىق مەكتەبى 2026-2027 وقۋ جىلىنا ءوتىنىش پەن قۇجات قابىلداۋدى باستادى, دەپ جازادى Egemen.kz.
قازاقستاننىڭ تۇكپىر-تۇكپىرىندەگى دارىندى بالالاردى تىركەۋ https://qabyldau.daryn.kz/kz/ سايتى ارقىلى ونلاين فورماتتا جۇرگىزىلىپ جاتىر.
تىركەۋ 15 ساۋىردە اياقتالىپ, ۇمىتكەرلەر ءۇش ءپان بويىنشا ارنايى تەستىلەۋگە قاتىسادى. ىرىكتەۋدەن ءساتتى وتكەن بالالار رەسپۋبليكالىق مەكتەپتە ءبىلىم الۋ مۇمكىندىگىنە يە بولادى.
قازاقستاندىق وقۋشىلار كوكتەمگى كانيكۋلدا 11 كۇن دەمالادى
ەسكە سالايىق, مەملەكەت باسشىسى قاسىم-جومارت توقاەۆتىڭ تاپسىرماسىمەن اباي اتىنداعى رەسپۋبليكالىق مامانداندىرىلعان دارىندى بالالارعا ارنالعان قازاق ءتىلى مەن ادەبيەتىن تەرەڭدەتىپ وقىتاتىن مەكتەپ-ينتەرناتى اباي ۇلتتىق مەكتەبىنە ترانسفورماتسيالاندى.ترانسفورماتسيالاۋ تۇجىرىمداماسى نەگىزىنە تاربيەلەۋ مەن وقىتۋ ۇدەرىسىنە ابايدىڭ «تولىق ادام» كونتسەپتسياسى ەنگىزىلدى. ءبىلىم بەرۋ ۇردىستەرى ۇلتتىق قۇندىلىقتارمەن جانە حالىقارالىق وزىق تاجىريبەلەرمەن ۇيلەستىرىلەدى. مۇندا بالالاردىڭ عىلىمعا قىزىعۋشىلىعىن ارتتىرۋعا, زاماناۋي تەحنولوگيالاردى مەڭگەرۋىنە, ۇلتتىق قۇندىلىقتارعا نەگىزدەلگەن تاربيە باعدارلاماسى ارقىلى سپورت پەن شىعارماشىلىققا باۋلۋعا, جان-جاقتى دامۋىنا جاعداي جاسالعان. سونىمەن قاتار مەكتەپتە بىرنەشە شەت ءتىلىن مەڭگەرۋگە بولادى. وقۋشىلار اعىلشىن تىلىنەن باسقا فرانتسۋز, قىتاي تىلدەرىن وقىپ ۇيرەنەدى.
وقۋشىلار قالاي تاماقتانادى؟
وتكەن عاسىردىڭ ەلۋىنشى جىلدارى ىرگەتاسى قالانعان ءبىلىم ورداسى جاڭا, وزىق ينفراقۇرىلىممەن جابدىقتالعان عيماراتقا كوشىرىلدى. 900 ورىنعا ارنالعان وقۋ ورداسىنىڭ قۇرىلىسى 2025 جىلدىڭ ناۋرىز ايىندا باستالىپ, تامىزدا اياقتالدى. مەكتەپ اۋماعىندا جاڭا وقۋشىلار ءۇيى دە بوي كوتەردى.قازىر اباي ۇلتتىق مەكتەبىندە ەلىمىزدىڭ بارلىق وڭىرلەرىنەن ىرىكتەلگەن 351 وقۋشى ءبىلىم الىپ جاتىر. الداعى 2026-2027 وقۋ جىلىنا 7-سىنىپقا وقۋشىلار قابىلدانادى.