ۇلتتىق ستاتيستيكا بيۋروسىنىڭ مالىمەتىنشە, 2025 جىلى ەلىمىزگە تۇراقتى تۇرۋعا 23 761 ادام كەلدى, ال كەتكەندەردىڭ سانى 7 608 ادامدى قۇرادى, دەپ جازادى Egemen.kz.
2024 جىلمەن سالىستىرعاندا ەلدەن كەتكەندەر سانى – 40,2% ازايدى, ەلگە كەلگەندەر سانى – 18,9% كەمىدى.
نەگىزگى كوشى-قون الماسۋى تمد ەلدەرى اراسىندا جۇرگەن. دوستاستىق ەلدەرىنە بارلىق كەلۋشىلەردىڭ 81,8%-ى جانە كەتكەندەردىڭ 71,8%-ى تيەسىلى. باسقا ەلدەردىڭ ىشىندە قىتايدان, موڭعوليادان جانە گەرمانيادان كەلگەندەردىڭ سانى كوپ بولسا, كەتكەن ەلدەر اراسىندا ازاماتتار گەرمانيا, پولشا جانە اقش-قا كوبىرەك كوشكەن.
ەڭبەك كوشى-قونىندا تاۋەكەل كوپ
كەلگەندەردىڭ باسىم بولىگى تۇراقتى تۇرۋ ءۇشىن ەلىمىزدىڭ وڭىرلەرى اراسىندا الماتى وبلىسىن – 5 754 ادام, الماتى قالاسىن – 4 068 ادام جانە ماڭعىستاۋ وبلىسىن – 3 562 ادام تاڭداعان.
ەلدەن كەتكەندەردىڭ كوبى قاراعاندى وبلىسىنان – 1 451 ادام, الماتى قالاسىنان – 757 ادام جانە شىعىس قازاقستان وبلىسىنان – 685 ادام كوشىپ كەتكەن.
ەل مۇددەسىنە ساي جاڭا كوشى-قون ساياساتى
شەتەلدەن كەتكەندەر مەن كەلگەندەردىڭ نەگىزگى ۇلەسى 35-39 جاس ارالىعىنداعى ازاماتتار. ەلدەن كەتكەندەر جانە كەلگەندەر اراسىندا تەحنيكالىق جانە ەكونوميكالىق ءبىلىمى بار ادامدار سانى باسىم.
2024 جىلمەن سالىستىرعاندا ەل ىشىندەگى كوشى-قون – 13,6% ءوستى. وڭىرلەر اراسىندا ەلىمىزدىڭ 4 ايماعىندا حالىق كوشى-قونىنىڭ وڭ ايىرماسى بايقالىپ وتىر. اتاپ ايتقاندا, استانادا − 87 459 ادام, الماتى قالاسىندا − 33 126 ادام, شىمكەنتتە − 15 130 ادام, الماتى وبلىسىندا − 12 110 ادام.
قازاقستاندا 2030 جىلعا دەيىنگى كوشى-قون ساياساتىنىڭ جاڭا تۇجىرىمداماسى ازىرلەندى