«ناۋرىزناما»: ەلوردادا كورىسۋ كۇنى قالاي اتاپ وتىلەدى؟

14 ناۋرىز كۇنى ساعات 10:00-دە №13 ورتا مەكتەپتىڭ ء(وندىرىس تۇرعىن الابى, شالكودە كوشەسى, 5) وقۋشىلارى «كورىسۋ كۇنى – امال مەرەكەسى» اكتسياسىن وتكىزەدى.

مەرەكە اياسىندا مەكتەپ وقۋشىلارى شاعىن اۋداندا تۇراتىن ارداگەر ۇستازداردى, زەينەتكەرلەر مەن تىل ەڭبەككەرلەرىن ارنايى بارىپ قۇتتىقتايدى. وسى ارقىلى ولار اعا بۋىن وكىلدەرىنە قۇرمەت ءبىلدىرىپ, العىس ايتادى.

وسى كۇنى ساعات 14:00-دە استانا قالاسىنىڭ دوستىق ءۇيى عيماراتىندا « ۇلى ەلىمىزدىڭ كورىسۋ كۇنى – امال مەرەكەسى» اتتى ۇلتتىق كيىمدەگى مەرەكەلىك ءىس-شارا وتەدى. ءىس-شارا قازاق حالقىنىڭ قۇندىلىقتارى مەن سالت-ءداستۇرىن ناسيحاتتاۋعا, ەتنوسارالىق تاتۋلىقتى نىعايتۋعا ارنالماق.

مەرەكەگە ەلوردالىق قازاقستان حالقى اسسامبلەياسى جانىنداعى ەتنومادەني بىرلەستىكتەر مەن قوعامدىق قۇرىلىمداردىڭ وكىلدەرى قاتىسادى. تەاترلاندىرىلعان باعدارلاما بارىسىندا قازاق اندەرى شىرقالىپ, قازاقستان حالقىنىڭ ۇلتتىق تاعامدارى تانىستىرىلادى.

«جاقسىلىق جاساپ جارىسايىق»: استانادا زەينەتكەرلەر قايىرىمدىلىق اكتسياسىن وتكىزدى

سونىمەن قاتار اقساقالدار كەڭەسى مەن انالار كەڭەسىنىڭ مۇشەلەرى «كورىسۋ» ءداستۇرىن كورسەتەدى. ولار ۇلتتىق سالت-داستۇرلەر تۋرالى اڭگىمەلەپ, كوپشىلىككە اقىل-كەڭەسىن ايتىپ, باتا بەرەدى.

كورىسۋ ءراسىمى – ۇزاق ءارى قىستان كەيىن كوكتەم قارساڭىندا ادامداردىڭ قاۋىشۋىن, ۇلكەندەرگە قۇرمەت كورسەتۋدى, رەنىشتى ۇمىتىپ, بىرلىك پەن مەيىرىمدىلىكتى دارىپتەۋدى بىلدىرەتىن تاعىلىمدى ءداستۇر.

سونداي-اق ناۋرىزدى كونە مادەني كود ءارى قازاق حالقىنىڭ ومىرشەڭ ءداستۇرى رەتىندە جان-جاقتى تانىتۋعا ارنالعان «ناۋرىز جىلناماسى» اتتى عىلىمي-ەتنوگرافيالىق كونفەرەنتسيا مەن كورمە وتەدى.

استانادا دەمالىس كۇندەرى اۋا رايى قانداي بولادى؟

14 ناۋرىز كۇنى ساعات 12:00-16:00 ارالىعىندا اتاتۇرىك ساياباعى اۋماعىندا «كورىسۋ كۇنى – امال مەرەكەسى» اتتى اۋقىمدى مادەني باعدارلاما ۇيىمداستىرىلادى. وعان مادەنيەت قايراتكەرلەرى, ەلوردالىق ءبىلىم بەرۋ مەكەمەلەرىنىڭ بالالار ۇجىمدارى جانە ەتنومادەني ورتالىقتاردىڭ شىعارماشىلىق توپتارى قاتىسادى.

ءىس-شارا اياسىندا زاماناۋي AI-ايماق تا جۇمىس ىستەيدى.

استانادا تسيفرلاندىرۋ جىلى اياسىندا «ناۋرىزباي» جانە «ناۋرىزاي» اتتى اۆاتارلارى بار جاساندى ينتەللەكت كومەكشىسى ازىرلەنگەن. بۇل ۆيرتۋالدى كەيىپكەرلەر قالا تۇرعىندارى مەن قوناقتارىنا مەرەكەلىك باعدارلاما, سونداي-اق ناۋرىزدىڭ تاريحى مەن داستۇرلەرى تۋرالى اقپارات بەرەدى.

سونىمەن بىرگە ۇلتتىق مۋزىكالىق اسپاپتار مەن قولدانبالى ونەر بۇيىمدارىنىڭ كورمەسى ۇسىنىلادى.

 استاناداعى ورتالىق ساياباق زاماناۋي تالاپقا ساي جاڭعىرتىلادى

ساعات 15:00-دە «حان شاتىر» ساۋدا-ويىن-ساۋىق ورتالىعىندا «Tartys Fest» سپورتتىق ويىندار فەستيۆالى باستالادى. جارىسقا سپورتشىلار, قالا تۇرعىندارى مەن قوناقتارى قاتىسا الادى.

باعدارلامادا ارقان تارتۋ, كەرمەدە تارتىلۋ, قوي كوتەرۋ, سونداي-اق جاساندى ينتەللەكتكە قارسى توعىزقۇمالاق ويناۋ سياقتى سايىستار وتەدى.

فەستيۆالگە 18 جاستان اسقان بارلىق نيەت ءبىلدىرۋشى قاتىسا الادى. قاتىسۋ تەگىن, تىركەۋ جارىس باستالار الدىندا سول جەردە جۇرگىزىلەدى. جەڭىمپازدارعا ارنايى سىيلىقتار تابىستالادى.

بۇل فەستيۆال ۇلتتىق سپورت تۇرلەرىن ناسيحاتتاۋعا, سالاۋاتتى ءومىر سالتىن دارىپتەۋگە جانە تۇرعىنداردى بەلسەندى سپورتتىق شارالارعا تارتۋعا باعىتتالعان.

سول كۇنى ساعات 12:00-دە سارىارقا اۋدانىنداعى قورعالجىن سكۆەرى اۋماعىندا سپورتتىق-شىعارماشىلىق ءىس-شارا وتەدى.

ال ءال-فارابي اتىنداعى وقۋشىلار سارايىندا 14-18 ناۋرىز كۇندەرى حالىق ەرتەگىلەرىنىڭ جەلىسىمەن ساحنالانعان «NAURYZ-2026» مەرەكەلىك تەاترلاندىرىلعان قويىلىمى كورسەتىلەدى.

بۇدان بولەك, 14 جانە 15 ناۋرىز كۇندەرى استانادا «Nauryz Sale» اتتى اۋقىمدى ازىق-ت ۇلىك جارمەڭكەلەرى وتەدى.

جارمەڭكەدە قازاقستاننىڭ ءتۇرلى وڭىرلەرىنەن كەلگەن فەرمەرلەر مەن وندىرۋشىلەردىڭ ونىمدەرى ۇسىنىلادى. قالا تۇرعىندارى مەن قوناقتارى كوكونىس پەن جەمىس-جيدەك, ەت جانە ءسۇت ونىمدەرى, شۇجىق, ۇن, جارما, ناۋبايحانا ونىمدەرى, تابيعي شىرىندار, توساپ, بال جانە باسقا دا ازىق-ت ۇلىكتەردى قولجەتىمدى باعامەن ساتىپ الا الادى.

جارمەڭكەلەر 14-15 ناۋرىز كۇندەرى ساعات 10:00-18:00 ارالىعىندا مىنا مەكەنجايلاردا وتەدى:• Keryen Joly ساۋدا ورتالىعى (الاش تاسجولى, 35ب);• Koktal ساۋدا ورتالىعى (ن.تىلەنديەۆ داڭعىلى, 12ا);• ەۆرازيا ساۋدا ورتالىعى (ق.ساتباەۆ كوشەسى);• استانالىق بازار (س.سەيفۋللين كوشەسى, 47);• Damu Mall (ج.ناجىمەدەنوۆ كوشەسى, 26);• شاپاعات بازارى (بوگەنباي باتىر داڭعىلى, 69);• ساۋران بازارى (الماتى كوشەسى, 3).

ەلوردادا ۇيىمداستىرىلاتىن بۇل شارالار ناۋرىز مەيرامىنىڭ مازمۇنىن كەڭىنەن تانىتىپ, ۇلتتىق داستۇرلەردى جاڭعىرتۋعا جانە تۇرعىنداردىڭ مەرەكەلىك كوڭىل-كۇيىن ارتتىرۋعا باعىتتالعان.