2026 جىلدىڭ 19-29 ناۋرىز ارالىعىندا قازاقستاندىق وقۋشىلار 11 كۇن بويى كوكتەمگى دەمالىستا بولادى. بۇل تۋرالى وقۋ-اعارتۋ مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
وسى كەزەڭدەگى بوس ۋاقىتتى مازمۇندى وتكىزۋ ماقساتىندا «ادال ازامات» ءبىرتۇتاس تاربيە باعدارلاماسى نەگىزىندە جەكە تۇلعانى جان-جاقتى دامىتۋعا باعىتتالعان ارنايى ءىس-شارالار كەشەنى جۇزەگە اسىرىلادى.دەمالىستىڭ ءار كۇنى «ناۋرىزناما» ونكۇندىگىمەن ۇيلەسىم تاۋىپ, وتباسىلىق قۇندىلىقتار مەن ۇلتتىق داستۇرلەردى دارىپتەۋگە ارنالادى. وقۋشىلار «تازا قازاقستان» , «ەڭبەك ادامى» جانە «زاڭ مەن ءتارتىپ» باعىتتارىنداعى تانىمدىق جوبالارعا قاتىسادى, سونداي-اق ءداستۇرلى «جەر ساعاتى» اكتسياسىنا اتسالىسىپ, ازاماتتىق ۇستانىمدارىن بەكەمدەيدى.بالالاردىڭ قاۋىپسىزدىگىن قامتاماسىز ەتۋ باعىتىندا دا بىرقاتار ءىس- شارالار جوسپارلانىپ وتىر. اتا-انالارمەن بىرلەسە وتىرىپ جول قوزعالىسى, ءورت قاۋىپسىزدىگى جانە كيبەركەڭىستىكتەگى ساقتىق شارالارى بويىنشا كەشەندى ءتۇسىندىرۋ جۇمىستارى جۇرگىزىلەدى.
قازاقستان حالقى ناۋرىز ايىندا قانشا كۇن دەمالادى؟