رەسەيدەگى «كروكۋس سيتي حولل» كونتسەرت زالىنداعى لاڭكەستىك شابۋىل ءىسى بويىنشا ايىپتالعان 19 ادامنىڭ 15-ىنە ءومىر بويىنا باس بوستاندىعىنان ايىرۋ جازاسى كەسىلدى, دەپ حابارلايدى Egemen.kz
ريا نوۆوستي اگەنتتىگىنىڭ مالىمەتىنشە, كۇدىكتىلەر جازاسىنىڭ ءبىر بولىگىن تۇرمەدە, ەكىنشى بولىگىن ەرەكشە رەجيمدەگى تۇزەۋ كولونياسىندا وتەيدى.
ولاردىڭ ىشىندە تورتەۋى – دالەردجون ميرزوەۆ, مۋرودالي راچاباليزودا, مۋحاممادسوبير فايزوۆ جانە شامسيدين فاريدۋني – لاڭكەستىك شابۋىلدى ورىنداۋشىلار بولىپ تانىلدى.
سوتتالۋشىلاردىڭ سىبايلاستارى: ۋمەدجون مەن مۋستاكيم سوليەۆتەر, شاحرومدجون گادوەۆ, زۋبايدۋللو يسمويلوۆ, حۋسەين حاميدوۆ, مۋحامماد شاريپزودا, ياكۋبدجوني يۋسۋفزودا, نازريماد لۋتفۋللوي, دجۋماحون كۋربونوۆ, حۋسەن مەدوۆ جانە دجابرايل اۋشەۆ.
ولاردىڭ ارقايسىسىنا 990 مىڭ رۋبل (6 ملن 237 مىڭ تەڭگە) كولەمىندە ايىپپۇل سالىنعان. ءىس ەكىنشى باتىس ايماقتىق اسكەري سوتىندا قارالعان.
سونداي-اق لاڭكەستىك شابۋىل جاساعاندارعا باسپانانى جالعا بەرگەن ازامات تا 22 جىل 10 ايعا باس بوستاندىعىنان ايىرىلدى. ونىڭ ماسكەۋ وبلىسىنداعى پاتەرى تاركىلەندى. سودىرلارعا كولىك ساتقان ءۇش ادام 19 جىل 11 ايعا سوتتالدى.
ەسكە سالا كەتەيىك, 2024 جىلعى 22 ناۋرىزدا ماسكەۋدىڭ سولتۇستىك-باتىسىنداعى «كروكۋس سيتي حولل» كونتسەرت زالىندا اتىس بولدى. سالدارىنان 149 ادام قازا تاۋىپ, التى جۇزدەن استام ادام ءتۇرلى جاراقات الدى, تاعى ءبىر ادام ءىز-ءتۇزسىز جوعالىپ كەتتى.