استانادا ناۋرىز مەيرامى قارساڭىندا بايقوڭىر اۋدانىنىڭ زەينەتكەرلەرى «جاقسىلىق جاساپ جارىسايىق» اتتى قايىرىمدىلىق اكتسياسىن وتكىزدى. يوگا ۇيىرمەسىنە قاتىساتىن بەلسەندى اجەلەر ءار بەيسەنبى سايىن قايىرىمدىلىق شارالارىن ۇيىمداستىرۋدى يگى داستۇرگە اينالدىرعان, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
بايقوڭىر اۋدانى بويىنشا الەۋمەتتىك قىزمەت كورسەتۋ ءبولىمىنىڭ سپورت نۇسقاۋشىسى ەلۆيرا شامسۋتدينوۆانىڭ جەتەكشىلىگىمەن زەينەتكەرلەر ازىق-ت ۇلىك سەبەتتەرىن دايىندادى. قايىرىمدىلىق سەبەتىنە ەڭ الدىمەن كۇندەلىكتى تۇرمىسقا قاجەتتى نەگىزگى ازىق-ت ۇلىك تۇرلەرى ەنگىزىلدى.
ەرىكتى اجەلەر بۇل جولى ەلوردانىڭ شالعاي اۋماعىندا ورنالاسقان لەسوزاۆود شاعىن اۋدانىنىڭ تۇرعىندارىنا كومەك كورسەتتى.
اتاپ ايتقاندا, كوپبالالى, جالعىزباستى انالارعا, سونداي-اق جالدامالى پاتەردە تۇراتىن وتباسىلارعا كومەك كورسەتتى.
استانادا ناۋرىز مەرەكەسىنە وراي 200-دەن استام ءىس-شارا وتەدى
ءوز كەزەگىندە الەۋمەتتىك قيىندىقتارعا تاپ بولعان وتباسىلار ۆولونتەر اجەلەرگە جۇرەكجاردى العىستارىن ايتىپ, اق باتالارىن بەردى. قايىرىمدىلىق اكتسياسى زەينەتكەرلەردىڭ قوعامداعى بەلسەندىلىگى مەن مەيىرىمدىلىگىنىڭ ەرەكشە كورىنىسىنە اينالدى.