اتىراۋلىق ايەلدىڭ ۇيىندە سالماعى 30 كيلو تارتاتىن پيتوندى ۇستاعان. الايدا, مۇنداي جىلاندى ۇستاۋ ءۇشىن CITES تالاپتارىنا سايكەس رۇقسات قۇجاتى بولۋى كەرەك, دەپ حابارلايدى Egemen.kz.
اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىندا د.-عا قاتىستى اكىمشىلىك قۇقىق بۇزۋشىلىق تۋرالى كودەسىنىڭ 389-بابىنىڭ 1-بولىگىمەن (جابايى جانۋارلار مەن وسىمدىكتەردىڭ تۇرلەرىن, ولاردىڭ بولىكتەرىن نەمەسە دەريۆاتتارىن زاڭسىز يەمدەنۋ, وتكىزۋ, الىپ ءوتۋ, اكەلۋ, اكەتۋ, ساقتاۋ (ۇستاۋ) ءىس قارالدى.
«ازاماتشا د. ءوزىنىڭ تۇرعىلىقتى ۇيىندە سالماعى 30 كيلو, ۇزىندىعى 3-3,5 مەتر پيتون جىلانىن قۇجاتسىز ۇستاعانى انىقتالدى. ونىڭ كىناسى اكىمشىلىك قۇقىق بۇزۋشىلىق تۋرالى حاتتامامەن, ساۋال قويۋ حاتتاماسىمەن, فوتوسۋرەتپەن تولىق دالەلدەندى», دەپ ءمالىم ەتتى اتالعان سوتتان.
سوت قاۋلىسىمەن د. اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلدى. وعان اكىمشىلىك جازا رەتىندە 10 ايلىق ەسەپتىك كورسەتكىش مولشەرىندە ايىپپۇل سالىندى. بىراق, جاسالعان قۇقىق بۇزۋشىلىقتىڭ سيپاتى, جەكە باسى ەسكەرىلىپ, ايىپپۇل سوماسى 30%, ياعني 30 275 تەڭگەگە قىسقارتىلدى.
اتىراۋ وبلىسىنىڭ ءۇش تۇرعىنى اقتوبەدە كيىك ۇشاسىمەن ۇستالدى
پيتون جىلانى مەملەكەت كىرىسىنە تاركىلەندى.
سوت قاۋلىسى زاڭدى كۇشىنە ەنگەن جوق.
اتىراۋدا تىكەلەي ەفيردە قىزدى اياۋسىز ۇرعان جىگىت ۇستالدى