مەملەكەت باسشىسى قاسىم-جومارت توقاەۆ بارلىق دەڭگەيدەگى ءماسليحات دەپۋتاتتارىنىڭ ءىىى رەسپۋبليكالىق فورۋمىندا ۇلت مۇددەسىن بارىنەن بيىك قويىپ, ەل يگىلىگى ءۇشىن ەڭبەك ەتەتىن ازاماتتار ناعىز دەپۋتات دەگەن اتقا لايىق ەكەنىن, وسىنداي ازاماتتار مىندەتتى تۇردە حالىقتىڭ سەنىمى مەن قۇرمەتىنە يە بولاتىنىن اتاپ ءوتتى, دەپ حابارلايدى Egemen.kz.
پرەزيدەنتتىڭ ايتۋىنشا ازاماتتار رەفەرەندۋمدا كونستيتۋتسيا جوباسىن قولداپ جاتسا, ەلىمىزدىڭ ساياسي قۇرىلىمى تۇبەگەيلى وزگەرەدى.
ء«بىز مۇلدەم جاڭا كونستيتۋتسيالىق ۇلگىگە نەمەسە مودەلگە كوشەمىز. بۇل قادام پروپورتسيونالدىق جانە ماجوريتارلىق جۇيە اراسىنداعى تەپە-تەڭدىكتى قامتاماسىز ەتەدى.
توقاەۆ: وكىلدى ورگانداردى كۇشەيتۋ مەملەكەتتىك ساياساتتىڭ نەگىزگى باسىمدىعى بولىپ قالا بەرەدى
بۇعان قوسا, سايلاۋ ۇدەرىسىن بارىنشا جۇيەلەپ, سايلاۋعا تۇسەتىن ازاماتتاردىڭ جاۋاپكەرشىلىگىن ارتتىرا تۇسەدى. وسىلايشا, ءماسليحاتتار قۇرىلتايعا قاجەتتى بىلىكتى ماماندار دايارلاۋعا بەلسەندى تۇردە اتسالىسادى.
اۋقىمدى رەفورمالاردى ساپالى جۇزەگە اسىرۋ ءۇشىن مەيلىنشە ءتيىمدى ءارى كاسىبي زاڭ شىعارۋ قىزمەتىن جولعا قويۋىمىز كەرەك. ال ەلىمىزدەگى وكىلدى بيلىك جۇيەسىنىڭ نەگىزى ايماقتاردا قالىپتاسادى. سوندىقتان ءماسليحاتتاردىڭ قىزمەتى ايرىقشا ماڭىزدى ەكەنىن ۇنەمى ەستە ۇستاعان ءجون. سەبەبى جۇرت ءوز ماسەلەسىن ەڭ الدىمەن دەپۋتاتتارعا ايتادى. ال حالىقتىڭ سەنىمىن اقتاۋدان ارتىق ابىروي جوق», دەدى پرەزيدەنت.
مەملەكەت باسشىسى: بيىلدان باستاپ اۋىلدىق وكرۋگتەر قوسىمشا تابىس كوزىنە يە بولماق
مەملەكەت باسشىسىنىڭ پايىمداۋىنشا تۇپتەپ كەلگەندە, دەپۋتات بولۋ – ەل ادامى بولۋ دەگەن ءسوز. بۇل – مارتەبەسى بيىك, جاۋاپكەرشىلىگى زور قىزمەت.
«دەپۋتات حالىقتىڭ سەنىمىنە سىزات تۇسىرەتىن ارەكەتتەن اۋلاق بولۋى قاجەت. ويتكەنى مۇنداي ارەكەت بۇكىل مەملەكەتتىك اپپاراتتىڭ, تۇتاس بيلىك جۇيەسىنىڭ بەدەلىنە نۇقسان كەلتىرەدى. سىزدەر وسى جاۋاپكەرشىلىكتى دۇرىس ءتۇسىنىپ, تەرەڭ سەزىنىپ, قىزمەتتەرىڭىزدى ادال اتقارا بەرەسىزدەر دەپ كامىل سەنەمىن», دەدى مەملەكەت باسشىسى.