قازاقستان, ازەربايجان جانە وزبەكستان جاڭا «جاسىل» ەنەرگەتيكالىق ءدالىز قۇرۋعا باعىتتالعان ستراتەگيالىق كەلىسىمگە قول قويدى, دەپ حابارلايدى Egemen.kz.
قۇجاتقا سايكەس, ءۇش ەل جاڭارتىلاتىن ەنەرگيا كوزدەرىن پايدالانۋ مەن ەلەكتر قۋاتىن ەكسپورتتاۋ سالاسىندا ۇزاق مەرزىمدى ىنتىماقتاستىقتى دامىتۋدى جوسپارلاپ وتىر. ونىڭ نەگىزگى جوبالارىنىڭ ءبىرى – كاسپي تەڭىزىنىڭ ءتۇبى ارقىلى تارتىلاتىن ەلەكتر كابەلى. ول ورتالىق ازيا مەن وڭتۇستىك كاۆكازدىڭ ەنەرگوجۇيەلەرىن بايلانىستىرادى. بولاشاقتا ەلەكتر قۋاتى قاراتەڭىز ەنەرگەتيكالىق ءدالىزى ارقىلى ەۋروپا نارىعىنا جەتكىزىلەدى.
ۇكىمەت كاسپيدى زەرتتەۋگە 1,1 ملرد تەڭگە ءبولدى
كەلىسىم سونىمەن قاتار ىشكى ەنەرگەتيكالىق ينفراقۇرىلىمدى دامىتۋعا, جەلىلەردى جاڭارتۋعا, جاڭا ەنەرگەتيكالىق نىساندار سالۋعا جانە ەلدەر اراسىنداعى ەنەرگەتيكالىق بايلانىس نىعايتۋعا باعىتتالعان. ءاربىر ناقتى جوبا بولەك قارالىپ, قوسىمشا كەلىسىمدەر ارقىلى جۇزەگە اسىرىلادى, اۆتوماتتى قارجىلىق مىندەتتەمەلەر تۋىندامايدى.
جوبانىڭ باستى ماقساتى – ورتالىق ازيانىڭ كۇن جانە جەل ەنەرگياسى رەسۋرستارىن ءتيىمدى پايدالانۋ, «جاسىل» ەنەرگيانى ىشكى جانە حالىقارالىق نارىققا جەتكىزۋ, سونداي-اق ازيا مەن ەۋروپانى بايلانىستىراتىن جاڭا ەنەرگەتيكالىق مارشرۋت قالىپتاستىرۋ.
ءزۇلفيا سۇلەيمەنوۆا: جاھاندىق جىلىنۋ كاسپي تەڭىزىنىڭ جاعدايىنا تەرىس اسەر ەتىپ جاتىر