قوستاناي. 13 مامىر. قوستانايدا چەرنوبىل اپاتىن سوندىرۋگە قاتىسقان جەرلەسىمىز, كەڭەس وداعىنىڭ باتىرى لەونيد تەلياتنيكوۆكە ەسكەرتكىش تاقتا قالاداعى №2 مامانداندىرىلعان ءورت ءسوندىرۋ ءبولىمىنىڭ عيماراتىنا ءىلىندى. بۇل تۋرالى egemen.kz ءتىلشىسى حابارلادى.
لەونيد پەتروۆيچ تەلياتنيكوۆ قوستاناي وبلىسى مەڭدىقارا اۋدانىنداعى ۆۆەدەن سەلوسىندا 1951 جىلى تۋعان. كسرو ءىىد سۆەردلوۆ ءورت-تەحنيكالىق ۋچيليششەسىن, ودان كەيىن ماسكەۋدەگى ينجەنەرلىك ءورت-تەحنيكالىق جوعارى مەكتەبىن بىتىرگەن. 1971 جىلدان 1982 جىل ارالىعىندا قوستاناي وبلىسىنىڭ ورتتەن قورعاۋ گارنيزونىندا قىزمەت ەتتى. ول 1986 جىلعى ساۋىردە بولعان چەرنوبىل اتوم ستانتسياسىنداعى ءورت اپاتىن جويۋ جۇمىستارىنا باسشىلىق ەتتتى. حح عاسىرداعى ەڭ اۋىر تەحنوگەندىك اپاتتىڭ باستى اۋىرلىعىن وسى بولىمشە كورگەن ەدى. قايعىلى وقيعا ۋاقىتىندا لەونيد تەلياتنيكوۆ اەس جانىنداعى ءورت ءبولىمى باستىعى بولاتىن. ءوزى جانە ونىڭ قاراماعىنداعىلار 4-ءشى ەنەرگوبلوك اپاتىنا تىكەلەي جاقىن جەردە ورنالاستى. ءورت ءسوندىرۋ بارىسىندا ولار, وتە كوپ مولشەردەگى ساۋلە قابىلدادى. ءورت سوندىرۋشىلەر ءوز دەنساۋلىعىنىڭ جانە ءومىرىن قۇربان ەتە وتىرىپ, وت الاۋىنىڭ جاقىن نىساندارعا تارالۋىنا جول بەرمەدى جانە جاڭا جارىلىستىڭ الدىن الدى.
ەسكەرتكىش تاقتانىڭ ىلىنۋىنە قاتىستى مەرەكەلىك ءىس-شاراعا وبلىستىق تجد باسشىلىعى, ازاماتتىق قورعاۋ ورگاندارىنىڭ ارداگەرلەرى, قوستاناي وبلىسى ورتكە قارسى قىزمەت گارنيزونىنىڭ وفيتسەرلەرى قاتىستى.
دەپارتامەنت باستىعىنىڭ ورىنباسارى پولكوۆنيك ۆيكتور شيللەر لەونيد تەلياتنيكوۆكە ارنالعان مەموريالدىق تاقتا بولاشاق ۇرپاقتىڭ يادەرلىك ەنەرگەتيكانىڭ تاريحىندا بولعان چەرنوبىل اپاتىنىڭ باتىرى, پاتريوت, جىگەرلى جەكە تۇلعا تۋرالى ەستەرىنە سالاتىنىن ايتتى.
ازاماتتىق قورعاۋ ورگانىنىڭ ارداگەرلەرى لەونيد تەلياتنيكوۆ تۋرالى ەستەلىكتەر ايتتى. ولار وتكەن عاسىردىڭ 70-ءشى جىلدارى لەونيد پەتروۆيچپەن بىرگە جۇمىس ىستەگەن ەدى. ارىپتەستەر ونىڭ ءوز ءىسىن شەكسىز سۇيگەن جانە ءار ۋاقىتتا دايىن, باتىل جانە ءتارتىپتى ادام بولعاندىعى تۋرالى ايتىپ ءوتتى.
ءنازيرا جارىمبەتوۆا.
دەرەك, سۋرەت: egemen.kz