لوگيستيكا, بۇل – جاڭا مۇناي: ەلىمىزدە قويما تاپشىلىعى كۇرت كۇشەيدى

ساراپشىلاردىڭ ايتۋىنشا, لوگيستيكا مەن قويما وپەراتسيالارى جاھاندىق قوسىلعان قۇن تىزبەگىنىڭ شامامەن 25%-ىن قۇرايدى. زاماناۋي قويمالار لوگيستيكالىق شىعىنداردى ازايتىپ, تاۋار اينالىمىن جەدەلدەتەدى جانە كومپانيالاردى ايماقتىق وندىرىستىك تىزبەكتەرگە ەنگىزەدى.

ەۋرازيالىق دامۋ بانكىنىڭ باس ەكونوميسى ەۆگەني ۆينوكۋروۆ قازىرگى قويما كەشەندەرى جوعارى تەحنولوگيالى بيزنەسكە اينالىپ كەلە جاتقانىن اتاپ ءوتتى. ونىڭ ايتۋىنشا, جاساندى ينتەللەكت پەن روبوتتاندىرۋدى ەنگىزۋ بۇل سالانىڭ الەۋەتىن ارتتىرادى. سونىمەن قاتار ەلەكتروندى ساۋدانىڭ دامۋى مەن ارنايى سالقىنداتقىش قويمالارعا سۇرانىستىڭ ءوسۋى سەكتوردى ەكونوميكالىق ءوسىمنىڭ نەگىزگى درايۆەرلەرىنىڭ بىرىنە اينالدىرۋى مۇمكىن.

لوگيستيكالىق ورتالىق كوكونىسكە تولادى

قازاقستاندا قويما تاپشىلىعى بار ما؟

زەرتتەۋ دەرەكتەرى قازاقستاندا قويما ينفراقۇرىلىمى جەتكىلىكسىز ەكەنىن كورسەتەدى. دامىعان ەلدەردە ءبىر ادامعا 0,8-4 شارشى مەتر قويما الاڭى كەلسە, قازاقستاندا بۇل كورسەتكىش بار بولعانى 8 شارشى سانتيمەتر شاماسىندا. 

قويما الاڭدارىنىڭ تاپشىلىعى جاڭا نىساندارعا جوعارى سۇرانىس قالىپتاستىرىپ وتىر. 2025 جىلدىڭ ءۇشىنشى توقسانىندا قازاقستانداعى بوس قويما الاڭى نەبارى 5,4% بولعان. بۇل جاڭا قويمالار پايدالانۋعا بەرىلگەن بويدا جالعا الۋشىلار تاباتىنىن كورسەتەدى.

سوڭعى جىلدارى قازاقستاندا قويما قۇرىلىسى بەلسەندى جۇرگىزىلىپ جاتىر. 2021-2025 جىلدارى قويما الاڭى 1,3 ملن شارشى مەتردەن 1,6 ملن شارشى مەترگە دەيىن ءوستى, ال 2025 جىلدىڭ ءۇشىنشى توقسانىنا قاراي 1,8 ملن شارشى مەترگە جەتتى.

ۇلتتىق ستاتيستيكا دەرەكتەرىنە سايكەس, وسى كەزەڭدە قويما جالداۋ جانە باسقارۋ سەكتورىنا 5,9 ترلن تەڭگەدەن استام ينۆەستيتسيا سالىنعان.

2024 جىلدىڭ سوڭىندا قازاقستاندا تاعى 1,1 ملن شارشى مەتر قويما سالۋ جوسپارلانعان. نەگىزگى جوبالار الماتى ماڭىندا, جاڭا Alatau City جوباسى اۋماعىندا ىسكە اسىرىلىپ جاتىر.

ءىرى لوگيستيكالىق جوبالاردىڭ قاتارىندا:

Wildberries لوگيستيكالىق ورتالىعى;

Continental Logistics مۋلتيمودالدى حابى;

Focus Logistics لوگوپاركى بار.

قويمالاردا كارتوپ جەتكىلىكتى كورشى ەلدەردەگى دامۋ قارقىنى

ەۋرازيا ەلدەرى اراسىندا قويما ينفراقۇرىلىمى بويىنشا رەسەي كوش باستاپ تۇر, وندا قويما الاڭى 52,9 ملن شارشى مەترگە جەتكەن.

ال وزبەكستان سوڭعى ءتورت جىلدا قويما كولەمىن 89%-عا ارتتىرىپ, ەڭ قارقىندى ءوسىمدى كورسەتكەن.

باسقا ەلدەردە ءوسىم باياۋ:

قىرعىزستان – 7%,

ازەربايجان – 10%,

ارمەنيا – 10%.

ال تاجىكستان بويىنشا ءوسىم بايقالماعان.

2022 جىلدان 2025 جىلدىڭ ءبىرىنشى توقسانىنا دەيىن قويما جالداۋ قۇنى 23,5%-عا ءوسىپ, ورتاشا ەسەپپەن ايىنا شارشى مەترىنە 10,3 دوللار بولعان. ال الماتى مەن استانا قالالارىندا پرەميۋم ساناتتاعى قويمالار ءۇشىن جالداۋ باعاسى ايىنا شامامەن 5,1-5,2 مىڭ تەڭگە (9,4-9,6 دوللار) دەڭگەيىندە.

بولاشاقتاعى دامۋ بولجامى

ساراپشىلاردىڭ بولجامىنشا, ەۋرازياداعى قويما ينفراقۇرىلىمى 2040 جىلعا قاراي 74%-دان 111%-عا دەيىن وسەدى. ال ورتالىق ازيادا بۇل ءوسىم الدەقايدا جوعارى بولۋى مۇمكىن.

بازالىق ستسەناري بويىنشا وڭىردەگى قويما قورى 7 ەسە, ال وپتيميستىك ستسەناريدە 9,4 ەسە ۇلعايادى. ورتاشا جىلدىق ءوسىم 16% شاماسىندا بولادى.

قازاقستاندا قويما الاڭى 2040 جىلعا قاراي 12,6 ملن شارشى مەترگە دەيىن جەتۋى ىقتيمال.

ساراپشىلاردىڭ ايتۋىنشا, ەڭ ۇلكەن سۇرانىس توڭازىتقىش قويمالارعا بولادى. وپتيميستىك ستسەناريدە ولاردىڭ كولەمى 27 ەسە ءوسىپ, قازىرگى 29 مىڭ شارشى مەتردەن 804 مىڭ شارشى مەترگە دەيىن ۇلعايۋى مۇمكىن.

وسىلايشا, قويما ينفراقۇرىلىمىنىڭ دامۋى الداعى جىلدارى ەۋرازياداعى لوگيستيكا مەن ساۋدا سالاسىنىڭ نەگىزگى قوزعاۋشى كۇشتەرىنىڭ بىرىنە اينالۋى مۇمكىن.