جەتىسۋ وبلىسىندا قۇتقارۋ جۇمىستارى كەزىندە توتەنشە جاعدايلار دەپارتامەنتىنىڭ قىزمەتكەرى قىزمەتتىك بورىشىن اتقارۋ بارىسىندا قازا تاپتى, دەپ حابارلايدى Egemen.kz.
2026 جىلعى 7 ناۋرىزدا پانفيلوۆ اۋدانىنا قاراستى اتامەكەن اۋىلدىق وكرۋگىندەگى التىنكول كولىندە بالىق اۋلاپ جۇرگەن ازاماتتىڭ مۇز جارىلىپ, كولدىڭ ورتاسىنا قاراي مۇز كەسەگىمەن بىرگە اعىپ كەتكەنى جونىندە حابار كەلدى.
وقيعا ورنىنا جەتىسۋ وبلىسى تجد-نىڭ كۇشتەرى مەن قۇرالدارى, جاركەنت قالاسىنداعى №11 ءورت ءسوندىرۋ ءبولىمىنىڭ قىزمەتكەرلەرى, تالدىقورعان قالاسىنىڭ جەدەل-قۇتقارۋ جاساعى, سونداي-اق «بارىس» رەسپۋبليكالىق جەدەل-قۇتقارۋ جاساعى مەن الماتى وبلىسى تجد قۇتقارۋشىلارى دەرەۋ جەتتى.
قۇتقارۋ جۇمىستارىن جۇرگىزۋ كەزىندە مۇز قايتا جارىلىپ كەتكەن. سونىڭ سالدارىنان پانفيلوۆ اۋدانى توتەنشە جاعدايلار ءبولىمىنىڭ №11 ءورت ءسوندىرۋ ءبولىمىنىڭ قاراۋىل باستىعى, ازاماتتىق قورعاۋ مايورى تارانوۆ دامير تايرجان ۇلى قازا تاپتى.
قارقارالىداعى دالا ءورتىن ءسوندىرۋ كەزىندە قۇتقارۋشى قازا تاپتى
قايعىلى جاعدايعا بايلانىستى قۇزىرلى ورگاندار ءمان-جايدى انىقتاپ جاتىر. توتەنشە جاعدايلار قىزمەتى مۇز ۇستىنە شىققاندا قاۋىپسىزدىك تالاپتارىن قاتاڭ ساقتاۋ قاجەتتىگىن تاعى دا ەسكە سالدى.
استانادا قۇتقارۋشىلار ليفتىدە قالىپ قويعان بالالاردى شىعارىپ الدى