ناۋرىز مەيرامى قارساڭىندا ەلىمىزدە 13-23 ناۋرىز ارالىعىندا اۋقىمدى رەسپۋبليكالىق «Nauryz Sale» اكتسياسى وتەدى. باستاما وتاندىق وندىرۋشىلەردى قولداۋعا, ىشكى ساۋدانى جانداندىرۋعا جانە ەل تۇرعىندارى مەن قوناقتارىنا ورتاق مەرەكەلىك كوڭىل كۇي قالىپتاستىرۋعا باعىتتالعان, دەپ جازادى Egemen.kz.
اكتسيا كەزەڭىندە ساۋدا سۋبەكتىلەرى ازىق-ت ۇلىك جانە ازىق-ت ۇلىك ەمەس تاۋارلارعا 10-70 پايىز ارالىعىندا جەڭىلدىكتەر ۇسىنادى. اكتسيالىق ونىمدەر ساۋدا زالدارىندا ارنايى مەرەكەلىك ناۆيگاتسيا جانە «Nauryz» فيرمالىق بەزەندىرۋى ارقىلى بەلگىلەنەدى. تاقىرىپتىق باعا بەلگىلەرى, برەندتەلگەن كورسەتكىشتەر, باننەرلەر مەن باسقا دا POS-ماتەريالدار ساتىپ الۋشىلارعا جەڭىلدىكپەن ۇسىنىلعان تاۋارلاردى وڭاي تابۋعا مۇمكىندىك بەرەدى.
جالپى اكتسياعا ىشكى ساۋدا سالاسىنىڭ شامامەن 300 سۋبەكتىسى قاتىسادى. ونىڭ ىشىندە 140 ساۋدا ءۇيى مەن ساۋدا-ويىن-ساۋىق ورتالىعى, 140 ساۋدا جەلىسى جانە 20 ەلەكتروندىق ساۋدا پلاتفورماسى بار. قاتىسۋشىلار قاتارىندا Magnum, Small, Galmart, «انۆار», «دينا», Toimart, «استىقجان», «ايان», Greenwich سەكىلدى ءىرى ساۋدا جەلىلەرى, سونداي-اق Mega Silk Way, Keruen, Keruen City, «ارۋجان», «سارىاركا», Shymkent Plaza سياقتى ساۋدا-ويىن-ساۋىق ورتالىقتارى بار.
ەل تۇرعىندارى ناۋرىز ايىندا قانشا كۇن دەمالادى؟
اكتسيا اياسىندا ەلىمىزدىڭ وندىرۋشىلەرىن قولداۋعا ايرىقشا كوڭىل بولىنەدى. ساۋدا ورتالىقتارىندا وتاندىق ونىمدەرگە ارنالعان ارنايى ساتۋ ايماقتارى ۇيىمداستىرىلادى. بۇل الاڭداردا ۇسىنىلاتىن تاۋارلار نارىقتاعى باعادان ورتا ەسەپپەن 10-20 پايىزعا تومەن باعامەن ساتىلادى.
مەرەكەلىك ساۋدامەن قاتار كەلۋشىلەرگە ارنالعان مادەني ءارى ينتەراكتيۆتى باعدارلاما دا ازىرلەنگەن. ەلدىڭ ءىرى ساۋدا-ويىن-ساۋىق ورتالىقتارىندا ۇلتتىق ناقىشتاعى فوتوزونالار ورناتىلادى. سەرىكتەستىك اياسىندا قازاقستان بويىنشا 11 ساۋدا نۇكتەسى بار «تاربيە» ۇلتتىق كيىم دۇكەنى كەلۋشىلەرگە ۇلتتىق ۇلگىدەگى كيىمدەردى ۇسىنىپ, ولاردى كيىپ كورىپ, ەستەلىك سۋرەتكە تۇسۋگە مۇمكىندىك بەرەدى. مۇنداي ايماقتاردى اقتاۋداعى SAYA Mall, پەتروپاۆلداعى Dostyk Mall, اقتوبەدەگى KeruenCity, استاناداعى Keruen City Astana, اتىراۋداعى Infinity Mall, تۇركىستانداعى Turan Mall, الماتىداعى Dostyk Plaza جانە شىمكەنتتەگى Shymkent City Mall ساۋدا ورتالىقتارىندا ورنالاستىرۋ جوسپارلانعان.
سونىمەن قاتار ناۋرىز مەرەكەسىنە وراي ساۋدا جانە ينتەگراتسيا مينيسترلىگى «Sauda in Digital Nauryz» رەسپۋبليكالىق كونكۋرسىن وتكىزەدى. بايقاۋ 2026 جىلعى 13-20 ناۋرىز ارالىعىندا وتەدى. ونىڭ ماقساتى – ساۋدا نىساندارىن مەرەكەلىك بەزەندىرۋدە تسيفرلىق شەشىمدەردى ەنگىزۋ جانە يننوۆاتسيالىق سەرۆيستەردى دامىتۋ.
ناۋرىز ايىندا اۋا رايى قانداي بولادى؟
قاتىسۋشىلار جوبالارىن ءتورت نوميناتسيا بويىنشا ۇسىنا الادى: «ۇزدىك تسيفرلىق بەزەندىرۋ», «ۇزدىك تسيفرلىق قۇتتىقتاۋ», «جاساندى ينتەللەكتىنى ۇزدىك پايدالانۋ» جانە «ەڭ كرەاتيۆتى Digital-جوبا». بايقاۋعا قاتىسۋ ءۇشىن Instagram جەلىسىندە #saudadigitalnauryz حەشتەگىمەن بەينەروليك جاريالاپ, ساۋدا جانە ينتەگراتسيا مينيسترلىگىنىڭ رەسمي پاراقشاسىن بەلگىلەۋ قاجەت.
جەڭىمپازداردى ساراپتامالىق كوميسسيا كرەاتيۆ, جاساندى ينتەللەكت تەحنولوگيالارىن قولدانۋ دەڭگەيى, ۇلتتىق بىرەگەيلىك, اۋديتوريانىڭ بەلسەندىلىگى جانە جوبانىڭ ورىندالۋ ساپاسى بويىنشا انىقتايدى. كونكۋرس قورىتىندىسى 2026 جىلعى 20 ناۋرىزدا جاريالانىپ, ۇزدىك جوبالار سالتاناتتى تۇردە ماراپاتتالادى.
تۋريستىك ماۋسىمنىڭ اشىلۋى: ناۋرىزدا ەكى ماڭىزدى ءىس-شارا وتەدى