يران ورمۇز بۇعازىنا تەڭىز مينالارىن ورناتا باستاعان. بۇل تۋرالى امەريكالىق بارلاۋ دەرەكتەرىنە سۇيەنگەن CBS News پەن CNN حابارلادى. اقپاراتقا سايكەس, تەگەران بۇعازدا ونداعان مينا ورنالاستىرىپ ۇلگەرگەن جانە تاعى جۇزدەگەنىن قويۋى مۇمكىن, دەپ حابارلايدى Egemen.kz.
بۇعان دەيىن يراننىڭ يسلام رەۆوليۋتسياسى ساقشىلارى كورپۋسى بۇعاز ارقىلى وتەتىن كەز كەلگەن كەمەگە سوققى بەرەتىنىن ەسكەرتكەن. قاقتىعىس باستالعالى بەرى بۇل باعىتتاعى تەڭىز قوزعالىسى ءىس جۇزىندە توقتاپ قالعان.
مۇناي مەن گاز جەتكىزىلىمىندەگى ىركىلىستەردىڭ سالدارىنان الەمدىك نارىقتا ەنەرگيا رەسۋرستارىنىڭ باعاسى وسە باستادى.
يران بىرىككەن اراب امىرلىكتەرىنە سوققى جاسادى: 6 ادام قازا تاپتى
اتالعان جاعدايعا اقش پرەزيدەنتى دونالد ترامپ نازار اۋداردى. ول يراننان بۇعازداعى مينالاردى شۇعىل تۇردە زالالسىزداندىرۋدى تالاپ ەتتى.
Truth Social الەۋمەتتىك جەلىسىندە جاريالانعان مالىمدەمەسىندە ترامپ:
«ەگەر يران ورمۇز بۇعازىنا قانداي دا ءبىر مينا ورناتقان بولسا, ءبىز ولاردى دەرەۋ زالالسىزداندىرۋدى تالاپ ەتەمىز. ەگەر مينالار جويىلماسا, يران ءۇشىن اسكەري سالدارى بۇرىن-سوڭدى بولماعان دەڭگەيدە بولادى», دەپ جازدى.
ورمۇز بۇعازى – الەمدىك ەنەرگەتيكاداعى ەڭ ماڭىزدى تەڭىز جولدارىنىڭ ءبىرى. كۇن سايىن بۇل جەر ارقىلى شامامەن 20 ملن باررەل مۇناي تاسىمالدانادى, بۇل – تەڭىز ارقىلى جەتكىزىلەتىن مۇنايدىڭ تورتتەن ءبىرى.
سونىمەن قاتار بۇعاز ارقىلى سۇيىتىلعان تابيعي گازدىڭ شامامەن 35%-ى وتەدى جانە پارسى شىعاناعىنداعى ەلدەردىڭ مۇناي ەكسپورتىنىڭ باسىم بولىگى وسى باعىتقا تاۋەلدى.
ء«بىر ليتر دە مۇناي شىقپايدى»: يران ورمۇز بۇعازىن تولىق باقىلاۋعا الدى
CNN مالىمەتىنشە, قازىر پارسى شىعاناعىندا تاۋلىگىنە شامامەن 15 ملن باررەل مۇناي جانە 4,5 ملن باررەل مۇناي ونىمدەرى جەتكىزىلمەي تۇرىپ قالعان. ال يراك پەن Kۋۆەيت سياقتى ءىرى وندىرۋشىلەردە ەكسپورتقا ارنالعان بالاما باعىتتار جوق.
سونىمەن قاتار سوڭعى 11 كۇندەگى زىمىران شابۋىلدارى كەزىندە يزرايل اۋماعىندا 12 ادام قازا تاۋىپ, شامامەن 200 ادام جارالانعان. بۇل تۋرالى TASS اسكەري دەرەككوزگە سىلتەمە جاساپ حابارلادى.
ال Reuters اگەنتتىگىنىڭ مالىمەتىنشە, قاقتىعىس بارىسىندا 150-گە جۋىق امەريكالىق اسكەري قىزمەتكەر جارالانعان.
يزرايل اسكەرى تەگەراندا يران اۋە كۇشتەرىنىڭ شتابىنا سوققى جاسادى
ءوز كەزەگىندە يران 1300 بەيبىت تۇرعىننىڭ قازا تاپقانىن جانە مىڭداعان نىساننىڭ قيراعانىن مالىمدەدى. سونداي-اق تەگەران يزرايل اۋە سوققىسى كەزىندە بەيرۋت قالاسىنداعى قوناقۇيدە ءتورت يران ديپلوماتىنىڭ قازا تاپقانىن ايىپتاپ وتىر.